El Principín
De Uiquipedia
El Principín (Le Petit Prince en francés), ye un cuentu mui famosu del aviador francés Antoine de Saint-Exupéry. Escribiólu mientres taba nun hotel de Nueva York en 1943.
Paez un llibru pa escolinos, pero trata de temes profundos como la vida, l'amistá y l'amor. Nel cuentu, Saint-Exupéry imaxínase a sí mesmu nel desiertu del Sahara onde tuvo que facer un aterrizaxe d'emerxencia y ellí conoz a un principín veníu de les estrelles. Nes sos conversaciones con él, l'autor dexa ver la so visión sobre la estupidez de la humanidá y la sabiduría qu'hai na cenciellez de cuando se ye neñu, y que se pierde al crecer.
Saint-Exúpery fizo tamién los dibuxos del llibru.
Hai más de 160 traducciones d'El Principín y más de 500 ediciones, y adaptaciones fonográfiques, cinematográfiques, operístiques y de dibuxos animaos. El testu foi vertíu al asturianu por Xosé Lluis García Arias y sirvió pa ser lleíu nun programa de Radio Xixón a finales de los años 70. Depués asoleyóse por l'Academia de la Llingua Asturiana, na so colección Escolín (4ª Ed., xineru 2002, ISBN: 84-8168-318-3).
Un asteroide (el 46610) foi bautizáu col nome de Bésixdouze (B612) n'homenaxe al planeta del Principín.
[editar] Enllaces esternos
- Páxina oficial (en francés)
- El Principín en 100 llíngües con exemplos auditivos (n'inglés)
- El Principín - Colección en 160 llingües (n'inglés y alemán)
