Carlomagnu

De Wikipedia
(Redirixío dende Carlomagno)
Saltar a: navegación, buscar
Uiquipedia:Wikipedia:Llista d'artículos que toa Wikipedia tien que tener/Archivu
Cuadru de Carlomagnu pintáu por Dureru

Carlomagnu (* 2 d'abril de 747, Prüm - 814, Aquisgrán), tamién llamáu Carlos el Grande, n'alemán "Karl der Große", en francés "Charlemagne", en llatín "Carolus Magnus", foi rei de los francos (de 771 a 814), de los lombardos (de 771 a 814) ya inda'l primeru en ser coronáu emperador del Sacru Imperiu Romanu Xermánicu'l 25 d'avientu de 800.

A la muerte del so padre, Pipín el Breve, Carlomagnu foi eleváu al tronu francu al par que'l so hermanu Carlomán, que morrió ceo. Asina quedó como únicu señor del Reinu Francu.

No que cinca a la política esterior espardió les sos fronteres d'un mou agresivu, polo qu'entró en guerra colos lombardos. Tamién tentó llevar la guerra a los árabes qu'ocupaben la Península Ibérica, pero solo foi quien a crear la Marca Hispánica nel norte de Cataluña. N'Alemaña sometió a los saxones y n'Hungría destruyó a los ávaros.

El 25 d'avientu del añu 800 el papa Lleón III coronólu en Roma Emperador d'Occidente, so la fórmula "Romanum gubernans Imperium". Acabante coronáu empeoraron les rellaciones col Imperiu Bizantín.

Dende la so muerte en 814 el so socesor Lludovicu Píu nun foi quien a contener la desintegración del Imperiu Carolinxu, dividíu pa siempre pol Tratáu de Verdún en 843.

N'azul el reinu heredáu del so pá, en naranxa les sos conquistes, en mariellu territorios vasallos