Benazir Bhutto

De Uiquipedia
Saltar a: navegación, buscar
Benazir Bhutto.

Benazir Bhutto (Urdu: بینظیر بھٹو.) Política pakistanina ñacida na ciudá de Karachi, el 21 de xunu de 1953 y muerta'l 27 d'avientu de 2007, fía mayor del ex-presidente y ex-primer ministru, Zulfikar Ali Bhutto. Fizo estudios nos Estaos Xuníos na Universidá de Harvard (1969-73) y postreramente n'Inglaterra na Universidá d'Oxford, au algamó en 1976 la llicenciatura en filosofía, ciencies polítiques y economía. Dempués del so regresu al so país en 1977, so pa foi derrocáu por un güelpe militar y executáu en setiembre de 1979. Entamó a sofrir numberoses escorrexes por parte del dictador Mohamed Zia ul-Haq. La so llucha política representando al Partíu Popular de Pakistán (PPP) costó-y la cárcele delles vegaes. Tuvo un total de seis años, o tres les rexes o baxo detención temporal y n'abril de 1984 tornó a Londres.

No cabero de 1985 aprovechó el llevantamientu de la llei marcial pa tornar a Pakistán. En 1987, al cellebrase el décimu cabudañu del derrocamientu de so pa, volvieron a arrestala; pero esta vegada, el Partíu Popular de Pakistán (PPP), impunxo al dictador la fixación de fecha pa la cellebración d'eleiciones democrátiques. N'agostu de 1988, la muerte del home fuerte de Pakistán nun accidente aéreu favoreció la realización de los comicios, nos que arriendes del PPP, participaba l'Alianza Islámica Democrática, progubernamental.

El 2 d'avientu de 1988, tres la victoria del so partíu, de tendencies socialdemócrata, foi elexía Primera Ministra del so país y pasó a ser la primera muyer n'empobinar los enfotos d'un país musulmán. N'agostu de 1990, foi destituyida pol presidente de la República Ghulam Ishaq Khan, baxo acusaciones de corrupción y violación de la Constitución.

Nes eleiciones cellebraes n'ochobre de 1993 el PPP ganó una pluralidad de votos, y Bhutto convirtióse otra vegada en xefe d'un gobiernu de la coalición. Baxo nuevos cargos de corrupción, de mala xestión económico, y d'un declinación na seguridá pública, el so gobiernu foi revocáu en payares de 1996 pol presidente Farooq Leghari.

Tien asoleyao dellos llibros. En 1978 publicó Foreign Policy in Perspective (Polítiques Extranxeres en Perspeutiva) y en 1989 la so autobiografía Daughter of Destiny (Fía del Destín).

En 1988 recibió'l premiu Bruno Kreisky de Drechos Humanos y en 1989 el Premiu Honorariu Phi Beta Kappa Award de Radcliffe.

La reforma constitucional del añu 2002 prohibe qu'un Primer Ministru tea nel cargu dos periodos. Esto deshabilita a Bhutto para tornar a acceder al cargu, lo mesmo qu'al ex-Primer Ministru Nawaz Sharif. Les próximes eleiciones en Pakistán tan programaes pa payares de 2007.

Bhutto abandonó Pakistán énte l'amenacia d'una investigación xudicial por corrupción poco dempués de que'l xeneral Pervez Musharraf, que tamién ye xefe del exércitu, tomare'l poder nun güelpe d'Estáu en 1999. Hasta'l 2007 Bhutto vivió en Dubai, Emiratos Árabes Xuníos, dende au caltuvo contautos col PPP y los sos seguidores, y continuamente viaxa al estranxeru pa dar conferencies.

Regresu a Pakistán[editar | editar la fonte]

{{{2}}}
Wikimedia Commons tien archivos rellacionaos con:
[[Commons:{{{1}}}|{{{2}}}]]

El 18 d'ochobre de 2007, la ex-primera ministra pakistanina tornó a Pakistán y sofrió una riestra d'atentaos nel que morrieren alrodiu de 126 persones y más de 400 foren feríes. Bhutto espera entá más ataques por parte d'Al Qaeda y los talibanes. La ex-primera ministra sigue enforma descontenta énte la política dictatorial de Musharraf y espera ganar les eleiciones p'afitar una democracia en Pakistán.