Washington DC

De Uiquipedia
Saltar a: navegación, buscar
Washington DC
Flag of Washington, D.C..svg Escudu de la ciudá
Lema : Justitia Omnibus (Xusticia pa toos)
Fundación 16 de xunetu de 1790
Alcalde Vincent C. Gray (Demócrata)
Área
 177 km²
Población
 - Ciudá (2012)
 - Distritu
 - Densidá

632.323
5.703.948
3.977/km²
Fusu horariu UTC-5
Latitú
Longitú
39°17' N
76°36' W
www.dc.gov

Washington, D.C. (distritu de Columbia), conocida davezu como Washington, "the District" o namái D.C., ye la ciudá capital de los Estaos Xuníos. La so población estimada pa 2012 (U.S. Census Bureau) ye de 632.323, que fain d'ella la vixésimuquinta mayor del país. Por embargu, la población de la ciudá, nos díes llaborables, medra perriba del millón pola llegada de trabayadores que viven nos suburbios, asitiaos en terrén de los estaos vecinos, Maryland y Virxinia. L'área metropolitana de Washington, a la que pertenez el distritu, ye, colos sos 5,7 millones d'habitantes, la séptima mayor del país.

El 16 de xunetu de 1790 la Residence Act (llei federal que llexisló los asuntos venceyaos a la construcción d'una capital federal pal país) aprobó la creación d'un distritu capitalinu a la vera'l ríu Potomac, na costa este del país. Por esa misma llei el distritu de Columbia ta embaxu la xurisdicción esclusiva del Congresu de los Estaos Xuníos y nun ye parte de dengún de los sos estaos. Los estaos de Maryland y Virxinia donaron tierres pa formar el distritu federal, qu'incluyó dos pueblos que ya esistíen: Georgetown y Alexandria. La ciudá, que recibió'l nome del presidente George Washington, foi fundada en 1791, magar que hasta dempués de la guerra civil estaunidense nun tuvo una institución municipal de gobiernu. Dende 1973 el distritu ta gobernáu por un alcalde y un conseyu de 13 conceyales, magar que'l Congresu tien la suprema autoridá na ciudá y puede anular les lleis llocales. El distritu tien un delegáu nel Congresu, ensin capacidá de votu, y nun elixe senadores; pola vixésimu tercer enmienda de la Constitución de los Estaos Xuníos, ratificada en 1961, el distritu tien trés votos electorales nel colexu d'electores qu'escueye al presidente del país.

La ciudá ye la sé de los trés poderes que formen el gobiernu federal estaunidense: el congresu, la Presidencia y el Tribunal Supremu. Hai nella, amás, dellos museos y monumentos nacionales y 176 embaxaes de países foriatos; y ye tamién la sé de bien d'organizaciones internacionales, y de la mayoría de los sindicatos, lobbys y asociaciones profesionales del país.

Monumentu a George Washington
Vista aérea del centru la ciudá

Enllaces esternos[editar | editar la fonte]

Washington DC
Wikimedia Commons tien archivos rellacionaos con: