Asturcón
- Pa otros usos d'esti términu, ver Asturcón (dixebra).
L'asturcón ye un caballu que forma parte d'una abondosa familia de ponis que se caltienen nel denomáu Arcu Atlánticu. Tán reconocíes nueve castres de calteres asemeyaos al Asturcón: Garrano, Pottok, Dartmoor, Exmoor, Gales, Connemara, Shetland y Highland; munches d' estes viñaron pel mundiu, poles sos carauterístiques.
La traza xeneral del asturcón ye'l d'un poni axil, enforma repartíu amás de fuerte ya pedresu. La so capa ye de collor prietu, anque de primeres l'Aaturcón pel iviernu tien una fechura que nun s'asemeya un res cola del branu. De la so adautacion a les tambascaes de les xerres remanez el fechu que na dómina friga al animal-y medre munchu'l pelu de collor acastañau que lu abluga.
La tiesta ye pequena, el perfil con fanguada llixera ya rematada por un bon focicu. Los güeyos son prietos, grandes ya sabichegos. Les oreyes pequenes ya sollertes, flanqueen una frente escamplada ya anubria d'un flecu trupu. Un piscuezu permediau, daqué narquiau nos greños, del que naz un mestu ya allargau tabayón de clines. Les espaldes per entornaes, l'ancla tamién entornada ya enxamás duble, con un pechu d'anchor ya musculatura per definía asientense nunes estremidaes nidies de cascos pequenos, arrondiaos ya perpedreguesos. La so alzada permedia en 1,25 m asigún seya'l xeitu la crianza.
[editar] Enllaces esternos
- Granxa Escuela Conlleu
- El Corru (asturianu, inglés y castellanu)
