Aníbal José Vázquez Fernández

Aníbal José Vázquez Fernández
alcalde de Mieres	; 11 xunu 2011 - 12 payares 2023 ; ← Luis María García García - Manuel Ángel Álvarez →
alcalde de Mieres
Vida
Nacimientu	Uxo, 28 de payares de 1954
Nacionalidá	España
Muerte	Hospital Álvarez Buylla, 12 de payares de 2023 (68 años)
Fíos/es	2
Estudios
Llingües falaes	castellanu; asturianu
Oficiu	políticu, mineru, sindicalista
Miembru de	Comisiones Obreres
Creencies
Partíu políticu	Izquierda Xunida

Aníbal José Vázquez Fernández (28 de payares de 1954, Uxo – 12 de payares de 2023, Hospital Álvarez Buylla) foi un mineru, sindicalista y políticu asturianu, bien conocíu por ser alcalde de Mieres dende xunu de 2011 hasta la so muerte en payares de 2023. Arrenunció dende'l primer momentu al sueldu que-y correspondiera como alcalde, en tolos años al mandu de la Corporación nunca cobró de l'alministración pública.^[5]

Biografía[editar | editar la fonte]

Entamó a trabayar de bien mozu. Foi tratante de ganáu, repartió cartes del Banco Bilbao y tamién trabayó na construcción, hasta que, con 18 años, entró a trabayar a la mina nel Pozu Llamas (Ablaña). Combinó'l trabayu na mina col fútbol sala, yá que foi un xugador destacáu nel Samartín de tercer división. En 1977 entamó a trabayar nel pozu Nicolasa. Foi ehí onde entró en contactu col sindicalismu (foi miembru de Comisiones Obreres) y cola política. Prexubilóse de la mina en 1998.

Como políticu, presentóse por primer vez a unes eleiciones por Izquierda Xunida (partíu al que taba afiliáu dende 1986) a Mieres nes eleiciones municipales de 2011, resultando alcalde del conceyu. Volvió a ganar, esta vez por mayoría absoluta, nes eleiciones de 2015, 2019 y 2023. Siempres tuvo implicáu nos movimientos sociales y culturales de Mieres:^[6]

Cargos[editar | editar la fonte]

Militante d'Izquierda Xunida dende la so fundación.
Miembru del órganu permanente de Seguridá Minera na Xunión Europea.
Miembru de la Comisión Negociadora del Conveniu Mundial de Seguridá na Organización Internacional del Trabayu.
Presidente de la Comisión Mista d'Harmonización de Condiciones de Trabayu na Xunión Europea.
Miembru del Conseyu d'Alministración de la Fundación Paul Finet de fines sociales na XE.
Responsable Estatal de Seguridá Minera de Comisiones Obreres.
Miembru de la Xunta de Participación del Institutu Nacional de Silicosis.
Ex-presidente de Conxusta 17.
Collaborador de Radio Parpayuela.
Ex-presidente y fundador de l'Asociación Cultural y Minera Santa Bárbara.
Vicepresidente segundu de la Federación Española de Conceyos y Provincies (FEMP).

Vida privada[editar | editar la fonte]

Casó con Belén, tamién mierense, cola que tuvo dos fíos: Susana (nacida en 1978) y David (nacíu en 1982), que tamién foi mineru como'l so padre y el so güelu. Morrió nel Hospital Álvarez Buylla'l 12 de payares de 2023 depués de lluchar años contra una enfermedá que s'agravara nos últimos meses.^[5]

Ver tamién[editar | editar la fonte]

Llista d'alcaldes de Mieres

Referencies[editar | editar la fonte]

↑ ^1,0 ^1,1 URL de la referencia: https://www.lavozdeasturias.es/noticia/asturias/2023/11/10/fallece-anibal-vazquez-alcalde-mieres-69-anos/00031699632438119648777.htm.
↑ URL de la referencia: https://www.elcomercio.es/obituarios/muere-anibal-vazquez-alcalde-mieres-20231112132055-nt.html. Data de consulta: 14 payares 2023.
↑ ^3,0 ^3,1 «Fallece Aníbal Vázquez, alcalde de Mieres durante los últimos doce años» (castellanu). El Comercio. Consultáu'l 13 payares 2023.
↑ URL de la referencia: https://www.noticiasde.es/titulares/iu-de-asturias-se-encuentra-consternada-por-la-noticia-de-la-muerte-de-anibal-vazquez/.
↑ ^5,0 ^5,1 «Fallece Aníbal Vázquez, alcalde de Mieres durante los últimos doce años» (castellanu) (12 de payares de 2023). Consultáu'l 13 de payares de 2023.
↑ «Alcaldía - Ayuntamiento de Mieres» (castellanu). Archiváu dende l'orixinal, el 26 de marzu de 2023.

Enllaces esternos[editar | editar la fonte]

[80b534c55a2d26eb407266be067fd6c0ced22914-1] 1,0 ^1,1 URL de la referencia: https://www.lavozdeasturias.es/noticia/asturias/2023/11/10/fallece-anibal-vazquez-alcalde-mieres-69-anos/00031699632438119648777.htm.

[fd0641d69f41fa37b1a01c9400c54383de893c19-2] URL de la referencia: https://www.elcomercio.es/obituarios/muere-anibal-vazquez-alcalde-mieres-20231112132055-nt.html. Data de consulta: 14 payares 2023.

[002dac7fc083d65e9a617c233461b6fbe5c90e0f-3] 3,0 ^3,1 «Fallece Aníbal Vázquez, alcalde de Mieres durante los últimos doce años» (castellanu). El Comercio. Consultáu'l 13 payares 2023.

[488b1a4f986e7cab249d922ec52e4edf3eab8b43-4] URL de la referencia: https://www.noticiasde.es/titulares/iu-de-asturias-se-encuentra-consternada-por-la-noticia-de-la-muerte-de-anibal-vazquez/.

[lavoz-5] 5,0 ^5,1 «Fallece Aníbal Vázquez, alcalde de Mieres durante los últimos doce años» (castellanu) (12 de payares de 2023). Consultáu'l 13 de payares de 2023.

[6] «Alcaldía - Ayuntamiento de Mieres» (castellanu). Archiváu dende l'orixinal, el 26 de marzu de 2023.

[1]

[2]

[3]

[4]

[5]

[6]