Organización Internacional del Trabayu

De Uiquipedia
Saltar a: navegación, buscar
Bandera de la OIT.

La Organización Intenacional del Trabayu (OIT) ye un organismu especializau de les Naciones Xuníes que s'ocupa de les cuestiones relatives al trabayu y les rellaciones llaborales. Fue fundada'l 11 d'abril de 1919, nel marcu de les negociaciones del Tratáu de Versalles. La so Constitución sancionada en 1919, compleméntase cola Declaración de Filadelfia de 1944.

La OIT tien un gobiernu tripartitu, integráu polos representantes de los gobiernos, de los sindicatos y de los empleadores. El so muérganu supremu ye la Conferencia Internacional, que s'aconceya anualmente en xunu. El so muérganu d'alministración ye'l Conseyu d'Administración que s'aconceya cuatrimestralmente. Cada cinco años El Conseyu d'Alministración elixe al Director Xeneral, encargáu de dirixir la Oficina Internacional del Trabayu ya implementar les acciones nel tarrén. En 2003 fue reelexíu pal cargu el chilenu Juan Somavía. La sede central alcuéntrase en Ginebra, Suiza. En 1969 la OIT recibió'l Premiu Nobel de la Paz. Ta integráu por 180 estaos nacionales (2007).