Y Sextantis

De Wikipedia
Ficha d'oxetu celesteY Sextantis
estrella binaria[1], binaria eclipsante[2], Estrella variable W Ursae Majoris (es) Traducir[2], Estrella binaria espectroscópica[2] y fuente de infrarrojos (es) Traducir[2]
Y Sextantis appearance.png
Datos d'observación
Ascensión reuta (α) 150,69987071524 °[3]
Declinación (δ) 1,0944955243229 °[3]
Magnitú aparente (V) 9,95 (banda V)
Constelación Sextans[5]
Velocidá radial 13,12 km/s[3]
Parallax 2,5554 mas[3]
Tipu espectral F3/5V[6]
Otros nomes
Cambiar los datos en Wikidata

Coordenaes: Sky map 10h 2m 47.969s, 1° 5 40.184

Y Sextantis (Y Sex / HD 87079 / HIP 49217)[7] ye una estrella variable de la constelación de Sextans, el sestante. Ta asitiada al otru llau del ecuador celeste al respeutive de α Sextantis, a pocu menos de 2º d'ésta. Alcuéntrase a 361 años lluz del Sistema Solar.

Y Sextantis ye una binaria de contautu de tipu espectral F5-F6[8] o F8V.[7][9] Nesti tipu de binaries cercanes, por cuenta de la so proximidá, les dos estrelles comparten les sos capes esteriores de gas, anque nel casu de Y Sextantis el contautu ye namái marxinal.[10] Les temperatures respeutives de les componentes son 6650 y 6448 K. La más caliente ye 4,3 vegaes más lluminosa que'l Sol y tien un radiu de 1,57 radios solares. Ye un 50% más masiva que'l Sol ente que la so compañera apenes tien el 2% de la masa solar. La rellación ente les mases de dambes componentes, q, ye igual a 0,195. La estrella menos caliente ye llixeramente menos lluminosa que'l Sol y el so radiu equival al 80% del radiu solar.[11]

Clasificada como variable W Ursae Majoris, la variabilidá de Y Sextantis foi reparada per primer vegada por Cuno Hoffmeister en 1934. El so rellumu fluctúa ente magnitú aparente +9,83 y +10,21 a lo llargo del so periodu orbital de 0,4198 díes (10,075 hores).[12] Reparóse un amenorgamientu del periodu col tiempu, lo que s'interpretó como tresferencia de masa dende la estrella más masiva escontra la so compañera, o como perda de masa y de momentu angular per parte del sistema. Coles mesmes, esisten dos oscilaciones periódiques adicionales, la primera de 51,22 años —con una amplitú de 0,0218 díes— y la segunda de 32,10 años.[9] Estos valores suxuren la presencia d'un tercer oxetu nel sistema —de tipu espectral envaloráu M3-M4 y de 0,3 mases solares—[13] y la posibilidá de qu'esista un cuartu oxetu de menor masa. Una esplicación alternativa ye que dambes estrelles tengan ciclos magnéticos de resultes de la so rápida rotación.[9]

Ver tamién[editar | editar la fonte]

Referencies[editar | editar la fonte]

  1. Afirmao en: Catálogo de Estrellas Dobles Washington.
  2. 2,0 2,1 2,2 2,3 Afirmao en: SIMBAD.
  3. 3,0 3,1 3,2 3,3 Afirmao en: Gaia DR2. Llingua de la obra o nome: inglés. Data d'espublización: 25 abril 2018.
  4. Ulrich Bastian (2000). «Catálogo Tycho-2». Astronomy and Astrophysics:  páxs. 27–30. 
  5. Afirmao en: VizieR. Llingua de la obra o nome: inglés.
  6. Afirmao en: Michigan catalogue of two-dimensional spectral types for the HD Stars, Vol. 5. Llingua de la obra o nome: inglés. Data d'espublización: 1999.
  7. 7,0 7,1 Y Sex (SIMBAD)
  8. Pribulla, Theodor; Rucinski, Slavek M.; Blake, R. M.; Lu, Wenxian; Thomson, J. R.; DeBond, Heide; Karmo, Toomas; de Ridder, Archie; Ogłoza, Waldemar; Stachowski, Greg; Siwak, Michal (2009). «Radial Velocity Studies of Close Binary Stars. XV». The Astronomical Journal 137 (3). páxs. 3655-3667. http://cdsads.u-strasbg.fr/cgi-bin/nph-bib_query?2009AJ....137.3655P&db_key=AST&nosetcookie=1. 
  9. 9,0 9,1 9,2 He, Jia-Jia; Qian, Sheng-Bang (2007). «An Orbital Period Investigation of the W UMa-Type Binary Y Sextantis». Publications of the Astronomical Society of Japan 59 (6). páxs. 1115-1119. http://cdsads.u-strasbg.fr/cgi-bin/nph-bib_query?2007PASJ...59.1115H&db_key=AST&nosetcookie=1. 
  10. Pribulla, T.; Kreiner, J. M.; Tremko, J. (2003). «Catalogue of the field contact binary stars». Contributions of the Astronomical Observatory Skalnaté Pleso 33 (1). páxs. 38-70 (Tabla consultada en CDS). http://cdsads.u-strasbg.fr/cgi-bin/nph-bib_query?2003CoSka..33...38P&db_key=AST&nosetcookie=1. 
  11. Deb, Sukanta; Singh, Harinder P. (2011). «Physical parameters of 62 eclipsing binary stars using the All Sky Automated Survey-3 data - I». Monthly Notices of the Royal Astronomical Society 412 (3). páxs. 1787-1803. http://cdsads.u-strasbg.fr/cgi-bin/nph-bib_query?2011MNRAS.412.1787D&db_key=AST&nosetcookie=1. 
  12. Y Sextantis (General Catalogue of Variable Stars)
  13. Wolf, M.; Molík, P.; Hornoch, K.; Šarounová, L. (2000). «Period changes in W UMa-type eclipsing binaries: DK Cygni, V401 Cygni, AD Phoenicis and Y Sextantis». Astronomy and Astrophysics Supplement 147 (1). páxs. 243-249. http://cdsads.u-strasbg.fr/cgi-bin/nph-bib_query?2000A%26AS..147..243W&db_key=AST&nosetcookie=1. 

Coordenaes: Sky map 10h 2m 47.969s, 1° 5 40.184