Xanadú

De Wikipedia
Saltar a navegación Saltar a la gueta
Sitiu de Xanadú1
Patrimoniu de la HumanidáUNESCO
Estáu Flag of the People's Republic of China.svg China
Tipu Cultural
Criterios i, ii, iii
N° identificación 1389
Rexón2 Asia y Oceanía
Añu d'inscripción 2012 (? sesión)
1 Nome oficial según UNESCO
2 Clasificación según UNESCO
Anque Matteo Ricci y Bento de Góis yá demostraren que Cathay ye a cencielles otru nome pa China, el cartógrafu inglés John Speed en 1626 siguió cola tradición d'amosar Cathaya, el Reinu xefe del gran kan al nordés de China. Nel so mapa, asitió Xandu al este de la metrópolis de Cathayan como Cambalu

Xanadú, Xanadu, Zanadu o Shangdu (Shàngdū en pinyin) yera la capital de branu del Imperiu mongol de Kublai Kan, imperiu qu'ocupaba gran parte de Asia. Afayos arqueolóxicos conclúin que la ciudá taba asitiada na actual provincia de Mongolia Interior, en China. La ciudá tenía trés partes: la ciudá esterior», la ciudá interior» y el palaciu, onde Kublai Kan permanecía pel branu. Créese que'l palaciu de Xanadú yera la metá de grande que la Ciudá Prohibida, en Pequín. Los restos modernos más visibles son les muralles en tierra, según la plataforma circular de lladriyu nel centru de la ciudá interior.

En 2012, la UNESCO declaró'l sitiu históricu de Xanadú como parte del Patrimoniu de la Humanidá.[1]

Significáu[editar | editar la fonte]

Los kanes mongoles abrieron l'imperiu a los viaxeros occidentales, dexando a esploradores como'l venecianu Marco Polu (que la visitó en 1275) comunicar les maravíes d'oriente a los europeos.

Xanadú convirtióse nuna metáfora de la opulencia, gracies sobremanera al poema Kubla Khan de Samuel Taylor Coleridge qu'empieza con estos versos:

In Xanadu did Kubla Khan En Xanadú fixo Kubla Khan
A stately pleasure-dome decree; construyir una maraviyosa cúpula del prestar;
Where Alph, the sacred river, ran Onde Alf, el ríu sagráu, corría
Through caverns measureless to man Al traviés de covarones inconmensurables pal home
Down to a sunless sía. Baxando escontra un mar ensin sol.

Referencies a Xanadú[editar | editar la fonte]

Xanadú ye un nome bien utilizáu pa remembrar un llugar de luxu y misteriu o esuberancia. Por casu, pa bautizar llugares imaxinarios o establecimientos.

El grupu de Power Metal Blind Guardian menta a Xanadú nel so cantar 'Sacred Mind' del álbum 'Beyond the Rede Mirror'.

Ver tamién[editar | editar la fonte]

Referencies[editar | editar la fonte]




Xanadú