X Pavonis

De Wikipedia
Saltar a navegación Saltar a la gueta
X Pavonis
X Pavonis
Constelación Pavu
Ascensión reuta α 20h 11min 45,86s
Declinación δ -59º 56’ 12,8’’
Distancia 880 años lluz
Magnitú visual +9,2 a +11,1 (banda B)
Magnitú absoluta +0,21
Lluminosidá 5849 soles
Temperatura 2046 K
Radiu 608 soles
Tipu espectral M8III
Velocidá radial -18,0 km/s

X Pavonis (X Pav / HD 191171 / HIP 99512)[1] ye una estrella variable na constelación austral de Pavu. De magnitú aparente media +7,37,[2] alcuéntrase a 880 años lluz de distancia del Sistema Solar.[3]

X Pavonis ye una xigante colorada de tipu espectral M8III, catalogada tamién como M6/M7III. La so temperatura efectivo ye de namái 2046 K y relluma con una lluminosidá 5849 vegaes superior a la lluminosidá solar. De gran tamañu, tien un radiu 608 vegaes más grande qu'el radiu solar,[3] equivalente a 2,8 UA; si ocupara'l llugar del nuesu Sol, les órbites de los cuatro primeros planetes —la Tierra inclusive— taríen conteníes dientro de la mesma estrella.

X Pavonis alcuéntrase na caña asintótica xigante, periodu de la evolución estelar qu'esperimenten les estrelles de masa entemedio al concluyir les sos vides; T Ceti, RX Bootis y EP Aquarii son exemplos d'estrelles nesta fase evolutiva. X Pavonis pierde masa estelar a razón de 7,3 × 10-7 mases solares per añu, un valor discretu pa una estrella de les sos carauterístiques.[4] Ye una variable semirregular de tipu SRB que'l so rellumu en banda B varia ente magnitú +9,2 y +11,1 a lo llargo d'un periodu de 119,19 díes.[5]

Ver tamién[editar | editar la fonte]

Referencies[editar | editar la fonte]