RX Bootis

De Wikipedia
Saltar a navegación Saltar a la gueta
RX Bootis
RX Bootis
Constelación Boötes
Ascensión reuta α 14h 24min 11,63s
Declinación δ +25º 42’ 13,4’’
Distancia 510 años lluz
Magnitú visual +7,97
Magnitú absoluta +1,99
Lluminosidá 40 soles
Temperatura 3000 K
Radiu 347 soles
Tipu espectral M7.5III
Velocidá radial -9,42 km/s

RX Bootis (RX Boo / HD 126327 / HIP 70401)[1] ye una estrella variable na constelación de Boötes, el pastor. Visualmente alcuéntrase a pocu más de 3º al este de 12 Bootis y tien magnitú aparente media +7,97, polo que nun ye visible a simple vista. Ta a 510 años lluz de distancia del Sistema Solar.

RX Bootis ye una xigante colorada de tipu espectral M7.5III.[1] Ye una estrella bien fría con una temperatura efectivo de namái 3000 K[2] y un diámetru 347 vegaes más grande qu'el diámetru solar.[3] El conteníu metálico de RX Bootis ye notablemente inferior al del Sol ([Fe/H] = -0,53), siendo la so bayura relativa de fierro namái un 26% del esistente na nuesa estrella.[2] Pierde masa estelar a razón de 6,48 × 10-7 vegaes la masa solar per añu.[4] Ye una variable semirregular SRB; éstes son xigantes con una periodicidá pocu definida, pero a les que se-y puede asignar un periodu mediu. Asina, el rellumu de RX Bootis varia 2,7 magnitúes nun ciclu de 340 díes.

En 1971 detectóse la esistencia d'un máser de vapor d'agua en RX Bootis, siendo unu de los primeres máseres atopaos nuna estrella de tipu espectral tardíu. Topóse una débil correllación ente la intensidá del máser y el fluxu óptico. Mapes fechos col VLA amuesen una estensión total de la envoltura del máser de 150 - 230 milisegundos d'arcu, equivalentes a un radiu esterior de 12 - 18 UA.[5]

Ver tamién[editar | editar la fonte]

Referencies[editar | editar la fonte]