12 Bootis

De Wikipedia
Saltar a navegación Saltar a la gueta
12 Bootis
12 Bootis A/B
Constelación Boötes
Ascensión reuta α 14h 10min 23,93s
Declinación δ +25º 05’ 30,0’’
Distancia 120 ± 3 años lluz
Magnitú visual +4,82 (conxunta)
Magnitú absoluta +2,00 (conxunta)
Lluminosidá 7,76 / 4,69 soles
Temperatura 6130 / 6230 K
Masa 1,416 / 1,374 soles
Radiu 2,47 / 1,86 soles
Tipu espectral F9IV/ F8IV
Velocidá radial +10,8 km/s

12 Bootis (12 Boo / d Boo / HD 123999) ye una estrella binaria na constelación de Boötes, el pastor. Con magnitú aparente +4,82, la separación ente los sos componentes ye d'aproximao 1 segundu d'arcu. Alcuéntrase a 120 años lluz de distancia del Sistema Solar.

Los dos estrelles que componen el sistema son dos subxigantes blancu-marielles de tipu espectral F9IV y F8IV respeutivamente. La primera d'elles, 12 Bootis A, ye la más brillosa y la menos caliente con una temperatura superficial de 6130 K. La so lluminosidá ye 7,76 vegaes la del Sol y el so radiu ye 2,47 vegaes mayor que'l radiu solar. 12 Bootis B tien una temperatura de 6230 K, una lluminosidá de 4,69 soles y un radiu de 1,86 radios solares. La diferencia en lluminosidá, a pesar de tener tipos espectrales práuticamente iguales, débese a la diferencia de masa ente les dos estrelles (12 Bootis A tien 1,416 mases solares y 12 Bootis B tien 1,374 mases solares) xuntu al distintu estáu evolutivu. Ente qu'en 12 Bootis B inda tien llugar la fusión nuclear de hidróxenu nel so interior, 12 Bootis A, con un nucleu inerte de heliu, ta empezando a tresformase nuna xigante colorada.

Dambes estrelles orbitan alredor del centru de mases común cada 9 díes, 14 hores y 30 minutos. La so separación media ye de 0,1245 UA, un terciu de la distancia que dixebra a Mercuriu del Sol.

Referencies[editar | editar la fonte]