UX Mensae

De Wikipedia
Saltar a navegación Saltar a la gueta
UX Mensae
UX Mensae A/B
Constelación Mensa
Ascensión reuta α 05h 30min 03,19s
Declinación δ -76º 14’ 55,3’’
Distancia 328 ± 17 años lluz
Magnitú visual +7,20 (conxunta/variable)
Magnitú absoluta +3,80 / +3,96
Lluminosidá 2,4 / 2,1 soles
Temperatura 6200 / 6150 K
Masa 1,24 / 1,20 soles
Radiu 1,35 / 1,28 soles
Tipu espectral F8V / F8V

UX Mensae (UX Men / HD 37513 / HIP 25760) ye un sistema estelar de magnitú aparente +7,20[1] asitiáu na constelación de Mensa. Alcuéntrase a 328 años lluz del Sistema Solar.[2]

UX Mensae ye un sistema estelar triple. La estrella más brillosa ye una binaria espectroscópica compuesta por dos nanes marielles de tipu espectral F8V.[2] De carauterístiques bien asemeyaes, tienen temperatures superficiales de 6200 y 6150 K respeutivamente. La componente A ye 2,4 vegaes más lluminosa qu'el Sol y tien una masa de 1,24 mases solares. La so compañera relluma con una lluminosidá 2,1 vegaes mayor que la lluminosidá solar y ye un 20% más masiva que'l Sol. Los sos radios respeutivos son un 35% y un 28% más grande qu'el radiu solar. La velocidá de rotación proyeutada de dambes asítiase ente los 15 - 16 km/s.[2] El par constitúi una binaria eclipsante que'l so periodu orbital ye de 4,1811 díes. Ye, por tanto, una estrella variable; nel eclís primariu'l so rellumu mengua 0,77 magnitúes ente que nel secundariu'l descensu de rellumu ye de 0,67 magnitúes.[3]

Una tercer estrella con aprosimao la metá de masa que'l Sol orbita alredor del par interior. Anque los parámetros orbitales nun son bien conocíos, puede tardar en redol a 396 años en completar una órbita alredor de la binaria eclipsante.[4] El sistema tien una metalicidá asemeyada a la solar y la so edá envalórase en 2500 millones d'años.[2]

Referencies[editar | editar la fonte]