Theta2 Tauri
Coordenaes: 
4h 28m 39.742s, 15° 52′ 15.149″
Theta2 Tauri (θ2 Tau / 78 Tauri / HD 28319)[10] ye una estrella na constelación de Tauru. Con magnitú aparente +3,41, ye'l miembru más brillosu del cúmulu de les Híades. Comparte la denominación de Bayer «Theta» con Theta1 Tauri, tando les dos estrelles separaes visualmente 5,6 minutos d'arcu; sicasí, la distancia esistente ente elles —unos 4 años lluz—, paez refugar que formen un verdaderu sistema binariu. Theta2 Tauri alcuéntrase a 150 años lluz del Sistema Solar.
Theta2 Tauri ta catalogada como una xigante blanca de tipu espectral A7III, anque los sos parámetros físicos —vease más embaxo afáense más a los d'una subxigante. Con una temperatura superficial de 7880 K, relluma con una lluminosidá 69 vegaes mayor que la lluminosidá solar. Tien un radiu 3,9 vegaes más grande que'l del Sol y xira sobre sigo mesma con una velocidá de rotación proyeutada de 78 km/s, lo que trai un periodu de rotación igual o inferior a 2,5 díes. Per otra parte, ye una variable Delta Scuti con dolce periodu estremaos que van de 1,64 a 2,22 hores; la fluctuación de rellumu ye de 0,07 magnitúes.[11] Tien una masa averada de 2,4 mases solares y la so edá, envalorada en 670 millones d'años, concuerda aproximao cola edá de les Híades.[12]
Theta2 Tauri tien una compañera, tamién de tipu A, que la so lluminosidá ye 19 vegaes superior a la lluminosidá solar. El so radiu ye tres veces más grande que'l del Sol y tien una masa de 1,8 mases solares. Completa una órbita alredor de la brillosa «subxigante» cada 140,7 díes. La separación media ente les dos estrelles ye de 0,86 UA pero la notable escentricidá de la órbita fai qu'ésta varie ente 0,23 y 1,3 UA.[12]
Referencies[editar | editar la fonte]
- ↑ 1,0 1,1 1,2 1,3 1,4 1,5 Afirmao en: SIMBAD.
- ↑ Dimitri Pourbaix (setiembre 2004). «SB9: The ninth catalogue of spectroscopic binary orbits» (n'inglés). Astronomy and Astrophysics (2): páxs. 727–732. doi:.
- ↑ 3,0 3,1 Afirmao en: General Catalogue of Variable Stars.
- ↑ 4,0 4,1 4,2 4,3 Afirmao en: Gaia EDR3. Stated in source according to: SIMBAD. Llingua de la obra o nome: inglés. Data d'espublización: 3 avientu 2020.
- ↑ Afirmao en: UBV photometry of stars whose positions are accurately known. VII. Stated in source according to: SIMBAD. Páxina: 591–592. Data d'espublización: 1993.
- ↑ Marwan Gebran (mayu 2016). «A new method for the inversion of atmospheric parameters of A/Am stars» (n'inglés). Astronomy and Astrophysics. doi:.
- ↑ Dimitri Pourbaix (setiembre 2004). «SB9: The ninth catalogue of spectroscopic binary orbits» (n'inglés). Astronomy and Astrophysics (2): páxs. 727–732. doi:.
- ↑ Wolfgang Brandner (2016). «Single stars in the Hyades open cluster. Fiducial sequence for testing stellar and atmospheric models» (n'inglés). Astronomy and Astrophysics: páxs. 7–7. doi:.
- ↑ «Spectral Classification» (n'inglés). Annual Review of Astronomy and Astrophysics (1): páxs. 29-50. setiembre 1973. doi:.
- ↑ V* tet02 Tau -- Variable Star of delta Sct type (SIMBAD)
- ↑ Theta2 Tauri (Combined General Catalogue of Variable Stars)
- ↑ 12,0 12,1 Theta2 Tauri (Stars, Jim Kaler)
Coordenaes: 4h 28m 39.742s, 15° 52′ 15.149″
| Control d'autoridaes |
|
|---|
Datos: Q6145898