Theta1 Tauri

De Wikipedia
Saltar a navegación Saltar a la gueta
Theta1 Tauri
Theta1 Tauri A/B
Constelación Tauru
Ascensión reuta α 04h 28min 34,50s
Declinación δ +15º 57’ 43,9’’
Distancia 154 ± 2 años lluz
Magnitú visual +3,85 (conxunta)
Magnitú absoluta +0,42 (conxunta)
Lluminosidá 66 / 2 soles
Temperatura 4930 / 6200 K
Masa 2,5 / 1,2 soles
Radiu 11,7 / ? soles
Tipu espectral K0IIIb / F8V
Velocidá radial +39,8 km/s

Theta1 Tauri1 Tau / 77 Tauri / HD 28307)[1] ye una estrella na constelación de Tauru miembru del cúmulu de les Híades. Comparte la denominación de Bayer «Theta» con Theta2 Tauri, tando les dos estrelles separaes visualmente 337 segundos d'arcu; sicasí, la distancia esistente ente elles —unos 4 años lluz—, paez refugar que formen un verdaderu sistema binariu.

Theta1 Tauri tien magnitú aparente +3,85 y alcuéntrase a 153 años lluz del Sistema Solar. Ye una xigante naranxa de tipu espectral K0IIIb con una temperatura superficial de 4930 K. Ye una de los cuatro xigantes naranxes de les Híades, xunto a Ain (ε Tauri), Hyadum I (γ Tauri) y Hyadum II1 Tauri). Relluma con una lluminosidá 55 vegaes mayor que la lluminosidá solar y tien un radiu 11,7 vegaes más grande qu'el del Sol. La so velocidá de rotación ye de 3,9 km/s, dando llugar a un llargu periodu de rotación de 144 díes. Tien una masa averada de 2,5 mases solares y la so edá, envalorada en 640 millones d'años, concuerda cola edá del cúmulu al que pertenez.[2]

Theta1 Tauri ye una estrella binaria, onde la estrella acompañante probablemente ye una nana mariella de tipu F8V con una temperatura d'aprosimao 6200 K y el doble de la lluminosidá solar. Un 20% más masiva que'l Sol, completa una órbita alredor de la xigante naranxa cada 16,3 años. Anque la separación media ente dambes componentes ye de 10,3 ~ UA, la notable escentricidá de la órbita fai qu'ésta varie ente 4,4 y 16 UA. El planu orbital ta casi na llinia de visión, inclináu 88º respectu al planu del cielu.[2]

Referencies[editar | editar la fonte]