Taumako

Taumako
Situación
Reinos	Islles Salomón
Provincia (es)	Temotu (es)
Tipu	islla
Asitiáu en	Océanu Pacíficu
Coordenaes	9°57′00″S 167°13′00″E
Taumako Taumako (Islles Salomón)
Datos

Taumako ye la mayor de les islles Duff. La islla, de 5,7 km de llargor, tien unes mariñes empinaes con fuerte pendiente, llegando a algamar los 400 metros sobro'l nivel del mar. Ta compuesta de laves basáltiques y piroclástiques como'l restu de les islles del archipiélagu.

Los habitantes de les islles Duff son polinesios, y el so llinguaxe, el pileni, forma parte de la rama de les llingües samoiques, dientro de les llingües polinesies.

Nes islles Duff viven unes 439 persones (según el censu de 1999). Les islles fueron colonizaes polos lapitas sobro l'añu Sieglu IX e.C. A estos siguiéron-yos los colonos melanesios, y finalmente, a mediaos de los años 1400 llegaron los colonos polinesios.

La pesca y l'agricultura de subsistencia ye la manera de vida tradicional. La islla nun tien carreteres, aeropuertu, teléfonos o electricidá. El contactu col esterior llógrase por aciu radios con batería y el barcu de carga que llega a la islla dacuando.

Navegación tradicional

Estudios realizaos por David Henry Lewis y Marianne George punxeron de manifiestu que les técniques tradicionales polinesies de navegación entá se caltienen nestes islles. Los habitantes de Taumako son los constructores d'una de les proes, un tipu d'embarcación d'Oceanía ,más antigües documentaes llamada Te Puke y conocida polos occidentales como Tepukei.

Canoa con estabilizadores p'alta mar con vela de garra de cámbaru. La vela de garra de cámbaru ye tan eficiente como una vela cuadrada de les mesmes dimensiones totales (según probóse en túneles de vientu).

Bibliografía

• Seach, John. «Duff Islands, Solomon Islands» (inglés). solomonislands.com.sb. Archiváu dende l'orixinal, el 3 de avientu de 2008. Consultáu'l 21 de agostu de 2008.
• Vaka Moana: Voyages of the Ancestors. Bateman (n'inglés).
• Ben Finney and Sam Low, "Navigation", in K.R.Howe(eds), "Vaka Moana:Voyages of the Ancestors", Bateman, 2007. (n'inglés)
• Leach, B.F. and Davidson, J.M. 2008. The archaeology of Taumako: A Polynesian outlier in the Eastern Solomon Islands. New Zealand Journal of Archaeology Special Publication (n'inglés).
• Te Laa O Lata nvigation, (n'inglés)

Enllaces esternos

• El proyeutu, (n'inglés)

• Datos: Q4452750