T Coronae Borealis

De Wikipedia
Saltar a: navegación, buscar
T Coronae Borealis
T Coronae Borealis
Constelación Corona Borealis
Ascensión reuta α 15h 59m 30,20s
Declinación δ +25° 55' 13,0"
Distancia 2000 años lluz (aprox)
Magnitú visual +10,8
Magnitú absoluta ?
Tipu espectral M4.5III + D
Velocidá radial -29 km/s

T Coronae Borealis (T CrB / HD 143454 / HR 5958) ye una nova recurrente na constelación de Corona Borealis. Davezu de magnitú aparente +10,8, nos postreros estallíos de 1866 y 1946 algamó magnitú +2,0.

T Coronae Borealis ye una binaria interactuante con un periodu orbital de 227,57 díes. Consta d'una xigante colorada de tipu espectral M4.5III y una componente caliente. La materia de la envoltura gaseosa de la xigante colorada va siendo atraida pola so compañeru. Una vegada algámase una cierta masa crítico establécense procesos de fusión, observables por cuenta de un sópitu aumentu na lluminosidá de la estrella.

El espectru ópticu de T Coronae Borealis, apoderáu pola xigante colorada, presenta llinies de Balmer superpuestes que'l so orixe paez provenir d'un discu de acreción qu'arrodia a la componente caliente. La variabilidá fotométrica en llonxitú d'onda llargues ye apoderada pola variabilidá elipsoidal de la xigante colorada. En llonxitúes d'onda curties T Coronae Borealis amuesa un marcáu «ceguñu» —n'escales de tiempu que van de segundos a minutos—, con parámetros similares a variables cataclísmicas normales, a pesar de la gran diferencia nel tamañu de los discos de acreción. Anque mientres enforma tiempu consideróse que la componente caliente de T Coronae Borealis yera una estrella de secuencia principal, anguaño piénsase que ye una nana blanca masiva.

Estudios de velocidaes radiales suxuren una masa de 1,37 ± 0,13 mases solares pa la nana blanca, y 1,12 ± 0,23 mases solares pa la xigante colorada.

Ver tamién[editar | editar la fonte]

Referencies[editar | editar la fonte]