Spencer Tracy

De Wikipedia
Saltar a navegación Saltar a la gueta
Spencer Tracy
Spencer Tracy
Spencer tracy state of the union.jpg
Vida
Nacimientu Milwaukee5 d'abril de 1900
Nacionalidá Estauxunidense
Fallecimientu

Los Ángeles10 de xunu de 1967

(67 años)
Sepultura Forest Lawn Memorial Park
Causa de la muerte infartu de miocardiu
Familia
Casáu/ada con Louise Tracy  (1923 -  1967)
Pareyes Katharine Hepburn
Estudios
Estudios American Academy of Dramatic Arts 1923)
Llingües inglés
Oficiu
Oficiu actor, actor de teatru y actor de cine
Premios
Nominaciones
Serviciu militar
Cuerpu militar Armada de los Estaos Xuníos
Creencies
Relixón católico
IMDb nm0000075
Spencer Tracy signature.svg
Cambiar los datos en Wikidata

Spencer Bonaventure Tracy (n. 5 d'abril de 1900 - m. 10 de xunu de 1967) foi un actor estauxunidense ganador de los premios Óscar y Globu d'Oru.[1]

Biografía[editar | editar la fonte]

Nació'l 5 d'abril de 1900 en Milwaukee, Wisconsin, segundu fíu d'un vendedor de camiones y una ama de casa d'oríxenes irlandeses. Na Marquette Academy conoz al actor Pat O'Brien y xuntos abandonen los estudios p'apuntase en La Marina,[1] Tracy tien 17 años. Suaña con entrar en combate, pero cuando la Primer Guerra Mundial acaba, Tracy sigue nuna base de la marina estauxunidense en Virginia. Decide retomar los sos estudios y nel Ripon College participa per primer vegada nuna representación teatral; la esperiencia estéla-y. Decide ser actor y en compañía d'O'Brien viaxa a Nueva York pa estudiar arte dramático. Los dos debuten na obra R.O.R, en 1923, interpretando a un robot mudu; n'este mesmu añu contrai matrimoniu con Luise Treadwell.[1]

Carrera como actor[editar | editar la fonte]

El tiempu pasa y Tracy ábrese camín en Broadway, ye afayáu por John Ford mientres interpreta The last mile, el so mayor ésitu nel teatru. Debuta con él en Up the river en 1930, y nos sos trés primeros años en Hollywood protagoniza 16 películes. En 1935 firma cola Metro-Goldwyn-Mayer un contratu n'esclusiva, y ellí va faer la mayor parte de la so carrera.

Gana dos Premios de l'Academia consecutivos al meyor actor en 1937 y 1938 por Capitanes desacobardaos y Forxa d'homes, pero ye escoyíu en 7 ocasiones más pal premiu.

Tracy realizó a lo llargo de la so carrera impresionantes interpretaciones como les de El poder y la gloria, Roxura, L'estrañu casu del doctor Jekyll, La costiella d'Adán, La muyer del añu, El postreru Hurra.

Vida personal[editar | editar la fonte]

Tracy tuvo siempres una complexa personalidá, duru, secu, apasionáu, alcohólicu, espurechu en palabres, prefirió la infidelidá al divorciu por cuenta de la so educación católica. Casáu dende 1923 hasta la so muerte en 1967 con Louise Treadwell, de la que tuvo dos fíos. Tuvo dos romances públicos, unu fugaz cola actriz Loretta Young nos años 30 y una llarga y complicada relación cola actriz Katharine Hepburn, a partir de 1941. Cuando dambos conocieron él yá yera alcohólicu y diabético pero la so relación personal y profesional duró hasta la muerte de Tracy.

Fallecimientu[editar | editar la fonte]

Finó'l 10 de xunu de 1967, a la edá de 67 años, dos selmanes dempués d'acabar el rodaxe de "Aldovina quién vien esta nueche".[1] Siendo alcohólicu, diabético y con enfisema pulmonar, la causa final de la so muerte foi un ataque al corazón. Por respetu a la so esposa y familia, Katharine Hepburn nun allegó al funeral.

Filmografía[editar | editar la fonte]

Premiu Óscar[editar | editar la fonte]

Añu Categoría Película Resultáu
1967 Óscar al meyor actor Aldovina quién vien esta nueche Candidatu
1961 Óscar al meyor actor Vencedores o vencíos Candidatu
1960 Óscar al meyor actor L'heriedu del vientu Candidatu
1958 Óscar al meyor actor El vieyu y el mar Candidatu
1955 Óscar al meyor actor Combalechadura del silenciu Candidatu
1950 Óscar al meyor actor El padre de la novia Candidatu
1938 Óscar al meyor actor Forxa d'homes Ganador
1937 Óscar al meyor actor Capitanes desacobardaos Ganador
1936 Óscar al meyor actor San Francisco Candidatu

Referencies[editar | editar la fonte]

  1. 1,0 1,1 1,2 1,3 «Spencer Tracy» (inglés). Internet Movie Database. Consultáu'l 7 de marzu de 2015.

Enllaces esternos[editar | editar la fonte]