Skat (estrella)

De Wikipedia
Saltar a navegación Saltar a la gueta
Skat (estrella)
Skat
Constelación Acuariu
Ascensión reuta α 22h 54min 39,0s
Declinación δ -15º 49’ 15’’
Distancia 160 ± 18 años lluz
Magnitú visual +3,27
Magnitú absoluta -0,18
Lluminosidá 95 soles
Temperatura 8595 K
Masa 2,5 - 2,7 soles
Radiu 4,5 soles
Tipu espectral A3V
Velocidá radial +18,0 km/s
Otros nomes HD 211391 / HR 8499
HIP 110003 / SAO 145991

Skat (δ Aquarii / δ Aqr / 76 Aquarii)[1] ye una estrella na constelación d'Acuariu, tamién conocida como Scheat, nome más utilizáu pa designar a β Pegasi. De magnitú aparente +3,27, ye la tercer estrella más brillosa de la constelación, detrás de Sadalsuud (β Aquarii) y Sadalmelik (α Aquarii).

Nome[editar | editar la fonte]

Xeneralmente, piénsase que'l nome Skat provién de la palabra árabe as-saq, que'l so significáu ye «pierna» o «espinía». Sicasí, sostúvose qu'el so verdaderu orixe deriva del árabe ši'at «deséu». Per otra parte, nel Éufrates esta estrella paez tar acomuñada a Hasisadra o Xasisadra, el décimu rei antediluvianu y héroe del diluviu.[2]

Carauterístiques[editar | editar la fonte]

Skat ta ctalogada como una estrella blanca de la secuencia principal de tipu espectral A3V[1] que la so temperatura efectivo ye de 8595 K.[3] Munches de les estrelles visibles nel cielu nocherniegu son d'esti tipu, siendo Siri u'l so máximu esponente, anque Skat ye más lluminosa qu'ésti. Bien similar a Chertan (θ Leonis) tocantes a lluminosidá y tipu espectral, alcuéntrase a 160 años lluz del Sistema Solar. Tien un radiu 4,5 vegaes más grande qu'el del Sol y xira sobre sigo mesma con una velocidá de rotación proyeutada de 81 km/s.[4] La so masa ye de 2,5 - 2,7 mases solares y, con una edá ente 500 y 600 millones d'años, ta terminando —si nun lu hai fechu yá— la fusión nuclear del so hidróxenu internu, polo que físicamente puede ser considerada una subxigante.[3]

Anque nun esiste certidumbre al respeutu, Skat puede constituyir un sistema binariu con un periodu orbital de 483 ± 20 díes.[5]

Referencies[editar | editar la fonte]