Sicardo de Cremona

De Wikipedia
Sicardo de Cremona
obispu

Vida
Nacimientu Cremonacirca 1155 (greg.)[1]
Muerte Cremona1215 (greg.)[1] (59/60 años)
Estudios
Estudios Universidá de Bolonia
Llingües falaes llatín
Oficiu historiador, escritor, sacerdotecanonista (es) Traducir
Creencies
Relixón Ilesia Católica
Cambiar los datos en Wikidata

Sicardo de Cremona (circa 1155 (greg.)Cremona – 1215 (greg.)Cremona) foi un eclesiásticu, historiador y escritor italianu.

Pertenecía a una familia cremonense, de xuru a los Casalaschi. Estudió Derechu en Boloña y en Maguncia. De vuelta en Cremona, foi nomáu subdiácono en 1183[2]) y obispu de Cremona en 1185 (Sichardi episcopi Cremonensis).

El 18 d'abril de 1188 asitió la primer piedra d'un nuevu castiellu que la so finalidá yera defender Cremona. Esta fortificación (el Castrum Leonis) va dar llugar a la población actual de Castelleone (provincia de Cremona).

Promovió la canonización del mercader cremonense Homobono, quien morrió en 1197 y namái dos años dempués foi canonizáu pol papa Inocencio III, el 13 de xineru de 1199. Homobono convirtióse asina nel primer santu llaicu de la hestoria.

En 1203 acompañó al legáu pontificiu (el cardenal Pedro de Capua) a Oriente mientres la Cuarta Cruzada y moró en Constantinopla. Tornó a Cremona en 1205, onde sofitó a Federico II Hohenstaufen contra Otón IV del Sacru Imperiu Romanu Xermánicu.

Sicardo morrió en Cremona en 1215.

Obres[editar | editar la fonte]

  • Chronica Universalis (1213): Ye una hestoria universal, dende la creación del mundu hasta 1213. Ye una de les fontes fundamentales citaes pol historiador franciscanu Salimbene di Adam nel so Chronica.
  • Summa Canonum (Maguncia, 1179-1181): digesto de Derechu canónicu.
  • Apologia Sichardi: apologética contra los sos detractores.
  • Mitrale (en nueve volúmenes): sobre lliturxa.

Referencies[editar | editar la fonte]

  1. 1,0 1,1 Afirmao en: CERL Thesaurus. Identificador CERL: cnp01324303. Apaez como: Cremonensis Sicardus. Data de consulta: 9 ochobre 2017. Editorial: Consortium of European Research Libraries. Llingua de la obra o nome: inglés.
  2. [www.bautz.de/bbkl/s/sicard_v_c.shtml SICARD v. Cremona] dans Bautz, Biographisch-Bibliographisches Kirchenlexikon

Enllaces esternos[editar | editar la fonte]