Sean Astin

De Wikipedia
Saltar a navegación Saltar a la gueta
11-04-2020 15:06
Sean Astin35mm film frames.svg
Sean Astin 2 SDCC 2014.jpg
Vida
Nome completu Sean Patrick Duke
Nacimientu

Santa Monica25  de febreru de 1971

[1] (49 años)
Nacionalidá Bandera de Estaos Xuníos d'América Estaos Xuníos
Familia
Padre John Astin
Madre Patty Duke
Hermanos/es
Estudios
Estudios Universidá de California en Los Angeles
Llingües inglés
Oficiu
Oficiu actor, direutor de cine, productor de cine, actor de voz, actor de cine, actor de televisión, modelucelebridá
Nominaciones
IMDb nm0000276
seanastin.com
Cambiar los datos en Wikidata

Sean Michael Astin (25  de febreru de 1971Santa Monica) ye un actor, direutor y productor estauxunidense nomáu al Óscar.

Biografía[editar | editar la fonte]

Considérase fíu de los actores Patty Duke y John Astin. Anque la so madre afirmó na so autobiografía de 1987 que John Astin yera'l padre biolóxicu de Sean, más tarde declaró que taba convencida que yera en realidá Desi Arnaz Jr. hasta que, finalmente, una prueba de paternidá realizada en 1994 demostró que'l padre biolóxicu de Sean yera'l segundu home de Duke, Michael Tell, un escritor estauxunidense col que tuvo casada 13 díes. Sicasí Sean siempres declaró que, pa él, John Astin ye'l so únicu y verdaderu padre. En 1973 nació'l so hermanu Mackenzie Astin, quien trabayó como actor en Los fechos de la vida (1979).

Carrera como actor[editar | editar la fonte]

Astin interpretó'l so primer papel como actor en 1981, nuna película pa televisión titulada Por favor, nun me pegues, ma, na qu'interpretó a un neñu con una madre qu'abusaba d'él (interpretáu pola so madre na vida real Patty Duke). A los trelce años, debutó pa la pantalla grande como Mickey en Los Goonies (1985). Dempués de Los Goonies, Astin apaeció en delles películes más, incluyendo'l telefilme de The Walt Disney Company The B. R. A. T. Patrol, con Nia Long, Thomerson Tim y Brian Keith, Like Father Like Son (1987), White Water Summer con Kevin Bacon (1987), The War of the Roses (1989), y la película sobre la Segunda Guerra Mundial Memphis Belle (1990), Operación: soldaos de xuguete (1991), L'home de California (1992), y el biopic d'un futbolista universitariu Rudy (1993).

En 1994, Astin dirixó y coproduxo cola so esposa Christine Astin el curtiumetraxe Kangaroo Court, que recibió una nominación al Óscar al meyor curtiumetraxe. Astin siguió apaeciendo en películes mientres tol deceniu de 1990, ente ellos el telefilme de ciencia ficción pa Showtime Harrison Bergeron (1995), la película sobre la Guerra del Golfu Courage Under Fire (1996), y la sátira política de Warren Beatty Bulworth (1998).

Sam en El Señor de los Aniellos[editar | editar la fonte]

Ún de los sos papeles más importantes foi como'l fiel y lleal amigu de Frodo, l'hobbit Samsagaz Gamyi, na triloxía de El Señor de los Aniellos (2001-2003). Ente los numberosos premios daos a la triloxía sobremanera a la so última entrega La torna del Rei (ganadora d'once premios de l'Academia, incluyendo'l de meyor película), Astin recibió munches nominaciones y premios pola so propia actuación, llevándose a casa'l Premiu Saturn al meyor actor de repartu y los de Las Vegas Film Critics Society, los Seattle Film Critics, la Utah Film Critics Society y la Phoenix Film Critics Society. Él y otros miembros del repartu fixéronse bien amigos mientres la filmación, especialmente d'Elijah Wood.

Puede vese a la fía d'Astin, Alexandra, en La torna del Rei, interpretando a la so fía na ficción, Elanor Gamyi, que se dirixe escontra él cuando torna de dicir adiós a Frodo, Bilbo y Gandalf nos Puertos Grises.

Mientres trabayaba en El Señor de los Aniellos, Astin convenció a dellos compañeros de repartu y miembros de la produción, incluyíu'l direutor Peter Jackson, por que lu ayudaren a faer el so segundu curtiumetraxe, The Long and Short of It. La película, que se desenvuelve nuna cai de Wellington, estrenóse nel Festival de Cine de Sundance de 2003 y apaez como estra nel DVD de The Lord of the Rings: The Two Towers.

Filmografía[editar | editar la fonte]

Sean Astin en Fulda, Alemaña, 2006.

Intereses[editar | editar la fonte]

Premios[editar | editar la fonte]

Premios del Sindicatu d'Actores
Añu Categoría Película Resultáu
2003 Meyor repartu The Lord of the Rings: The Return of the King Ganador
2002 Meyor repartu The Lord of the Rings: The Two Towers Candidatu
2001 Meyor repartu The Lord of the Rings: The Fellowship of the Ring Candidatu
Premios Young Artist
Añu Categoría Película Resultáu
1985 Premiu Young Artist al Actor Principal Mozu Los Goonies Ganador
1989 Premiu Young Artist al Actor Principal Mozu Staying Together Ganador

Enllaces esternos[editar | editar la fonte]

  1. Afirmao en: Internet Speculative Fiction Database. Identificador ISFDB de autor: 113016. Apaez como: Sean Astin. Data de consulta: 9 ochobre 2017. Llingua de la obra o nome: inglés.