Scomber scombrus

De Wikipedia
Scomber scombrus
xarda
Clasificación científica
Reinu: Animalia
Filu: Chordata
Clas: Actinopterygii
Orde: Perciformes
Familia: Scombridae
Xéneru: Scomber
Especie: S. scombrus
Linnaeus, 1758
Consultes
[editar datos en Wikidata]

La xarda[1] (Scomber scombrus) ye una especie de pexe perciforme de la familia Scombridae. Ye bien paecida a la caballa cola que munches vegaes puede confundise. D'igual forma y carauterístiques qu'ésta, ye un pocu más escura coles rayes negres un pocu más regulares. La xarda ye un pexe teleósteu perteneciente a la familia de los escómbridos, orde de los peciformes. Abondosa nel océanu Atlánticu y nel mar Mediterraneu siendo oxetu d'una fuerte pesca por cuenta de la so apetecedora carne.

Aliméntase d'otros pexes de menor tamañu, crustáceos y moluscos. En tiempos ivernizos la xarda permanez a unos 170 m de fondura, pero cuando s'avera'l bon tiempu, suelen arrexuntase en bálamos bien numberosos y xubir a la superficie. Una fema puede poner ente 200.000 y 400.000 güevos qu'eclosionen a los pocos díes.

Descripción[editar | editar la fonte]

La xarda tien un cuerpu bien delgáu con dos aletes dorsales bien separaes, con unes aletes pectorales curties, y una aleta añal siguida de siete aletines. La so coloración ye azul escura enriba col banduyu blancu. Mide ente 25 y 45 cm de llargor y puede algamar 4,5 kg de pesu. La xarda (Scomber scombrus) ye un pexe que tien entre 30 y 50 cm de llargu y pesu de 500 a 1.000 g. Migra y mora nes agües fondes del mar a lo llargo de los meses fríos del añu, pero cuando llega'l buen tiempu sube a la superficie. Ye azulón-verdosu con rayes prietes nel llombu.

N'Asturies, nel añu 2012, ruláronse 4.564.702,69 Kg de xarda por un valor de 5.047.646,31 euros, según la estadística qu'ellabora la Direición Xeneral de Pesca Marítima del Principáu d'Asturies[2]. Trátase d'una pesquería bien concentrada nel tiempu y con buenos resultaos económicos pa los profesionales del sector.

Xardes nel mercáu.


Nome común[editar | editar la fonte]

Esta especie ye conocida nel dominiu llingüísticu asturlleonés col nome común xarda[1].

Nutrición y salú[editar | editar la fonte]

Ye un pescáu con un altu conteníu en purines, que se tresformen n'ácidu úrico, polo que nun s'aconseya'l so consumu en casu d'hiperuricemia o gota.

Referencies[editar | editar la fonte]

Bibliografía[editar | editar la fonte]

  • El léxico de la fauna marina en los puertos pesqueros de Asturias Central, Emilio Barriuso, Uviéu 1986. IDEA.

Enllaces esternos[editar | editar la fonte]