Sauli Niinistö
Sauli Väinämö Niinistö (24 d'agostu de 1948, Salo) ye un políticu finlandés del partíu conservador Coalición Nacional, presidente del so país dende marzu de 2012. Foi Ministru de Xusticia de 1995 a 1996 y Ministru de Facienda de 1996 a 2003. En 2006 foi candidatu nes eleiciones presidenciales finlandeses y dende 2007 hasta 2011 foi presidente del Parllamentu de Finlandia.
Al ganar les eleiciones presidenciales de 2012, foi nomáu presidente de la República, siendo la primer vegada dende 1956 qu'un políticu del so partíu ostenta'l cargu.[1] En 2018 revalidó'l so cargu na primer vuelta de les eleiciones col sofitu del 62,6% de los votantes.[2] El so sobrín Ville Niinistö ye'l líder de la Lliga Verde.
Biografía[editar | editar la fonte]
Nació'l 24 d'agostu de 1948 na ciudá de Salo. Graduóse en Derechu pola Universidá de Turku en 1974. Trabayó nel so propiu bufete d'abogaos ente 1978 y 1988. Empezó la so carrera política en 1976, presentándose al conceyu de Salo. Niinistö foi escoyíu al Parllamentu nes eleiciones parllamentaries de 1987.
En 1994 foi escoyíu presidente del so partíu y al añu siguiente foi nomáu Ministru de Xusticia nel gobiernu de Paavo Lipponen. En 1996 foi nomáu Ministru de Facienda, permaneciendo nel cargu hasta 2003, añu nel que tamién dexó'l parllamentu. Ente 2003 y 2007 trabayó como vicepresidente del Bancu Européu d'Inversiones. Niinistö volvió al Parllamentu en 2007, añu en que foi escoyíu presidente hasta 2011.
Eleiciones presidenciales de 2012[editar | editar la fonte]
En presentándose a les eleiciones presidenciales de Finlandia de 2012, venció a Pekka Haavisto col 68,2% de los votos.[3]
Condecoraciones[editar | editar la fonte]
- Collar de la Orde Mexicana de la Águila Azteca (26/05/2015).[4]
Referencies[editar | editar la fonte]
- ↑ «Niinistö logra una victoria histórica en las presidenciales de Finlandia» ABC. Consultáu'l 6 de febreru de 2012
- ↑ «Sauli Niinistö, el carismático presidente de Finlandia que puede desbancar a Kekkonen» Consultáu'l 16 de febreru de 2018.
- ↑ «La derecha gana las eleiciones presidenciales de Finlandia», Público, 5 de febreru de 2012
- ↑ «Dan Orden del Águila Azteca a presidentes de Brasil y Finlandia». El Universal. 25 de mayu de 2015. http://archivo.eluniversal.com.mx/nacion-mexico/2015/dan-orden-del-guila-azteca-a-presidentes-de-brasil-y-finlandia-1102478.html.
Enllaces esternos[editar | editar la fonte]
Wikimedia Commons acueye conteníu multimedia sobre Sauli Niinistö.- Biografía CIDOB (n'español)
| Predecesor: Tarja Halonen |
Presidente de Finlandia 2012 - actualidá |
Socesor: nel cargu |
| Control d'autoridaes |
|
|---|
Datos: Q29207- Multimedia: Sauli Niinistö
