Público (España)

De Wikipedia
Saltar a navegación Saltar a la gueta
Público (España)
Logo Público.es.gif
Datos
Tipu periódicu dixital
Fundación 26  de setiembre de 2007
Idioma castellanu
Estáu Bandera d'España España
Sede Madrid
Llugar de publicación Madrid
Fundador Jaume Roures Traducir
Posición política Izquierda política
Páxina web www.publico.es
Cambiar los datos en Wikidata

Público ye un periódicu dixital español, editáu en castellán y perteneciente a Display Connectors, que'l so aicionista mayoritariu ye Toni Cases. Anguaño edítase n'Internet, y considérase un diariu dixital "puru", yá que nun caltién una edición paralela en papel, que sí tuvo dende la so fundación en setiembre de 2007 y hasta febreru de 2012.

El diariu dixital ye d'ámbitu nacional, tien la so sede en Madrid y ta formáu por una plantía d'unos 35 trabayadores, ente direición, redaición y alministración. Empobináu por Ana Pardo de Vera, dende setiembre de 2016 –enantes, corresponsal política del mesmu diariu–, tien como redautor xefe a Pedro González de la Caleya –enantes, redautor xefe de la seición de Dinero– y al periodista Pablo Oliveira y Xibla como xefe de seición.

La páxina web caltién una audiencia de 4,1 millones de llectores (usuarios únicos multiplataforma en comScore, abril 2016) al mes y 7,5 millones de llectores (usuarios únicos n'OJD, abril 2016) al mes. Los cálculos del númberu de llectores de los medios de comunicación dixitales ufiertaos pol panel de comScore, referente pa la midida d'audiencies, asitien a Público ente los diez diarios más lleíos d'España. Amás, supera'l millón de siguidores en Facebook y los 700 000 en Twitter.[1]

N'ochobre de 2014, Público recibió'l Premiu Enfocaos[2] na categoría de medios de comunicación, otorgáu a periodistes y programes que realicen una cobertoria afayaíza en rellación cola comunicación pal cambéu social, los Drechos Humanos y los ideales de xusticia social, de xéneru y ambiental. En mayu de 2013, Público recibió'l Premiu MetaComunicación[3] al meyor diariu dixital, galardón que concede la Facultá de Ciencies de la Información de la Universidá Complutense de Madrid, al traviés de los votos que realicen los mesmos estudiantes del centru. Como 'Meyor Nativu Dixital', la organización destaca que los llectores de Público "nun paren de crecer" y que los periodistes que lu conformen "trabayen y lluchen acaldía pa ufiertar información de gran calidá y munches vegaes n'esclusiva". Los estudiantes valoren especialmente l'activa presencia nes redes sociales de Público y la so canal de streaming Público.TV, qu'ufierta direutos y vídeos d'importantes acontecimientos.

Nueva ufierta informativa[editar | editar la fonte]

Ente les nueves ufiertes informatives, dende avientu de 2013 el programa de televisión La Tuerka s'incorpora a los conteníos informativos de Público, con un programa diariu que s'emite en directu al traviés d'internet, toles nueches de llunes a xueves, empobináu y presentáu por Pablo Iglesias. En setiembre de 2014, la programación de La Tuerka volvió multiplicada en delles tuerkas.[4] Al conocíu programa de conxusta política, que pasa a denominase En Clave Tuerka y a presentase solo por Juan Carlos Monedero, súmense trés nuevos programes: Otra vuelta de Tuerka, presentáu por Pablo Iglesias; La Tuerka Distrito Federal, con Tania Sánchez y Noelia Vera; y La Tuerka News, con Facu Díaz, Héctor Juanatey y Miguel Maldonado (darréu). Tolos programes emítense al traviés de Público TV, la canal de televisión n'internet de Público.

En payares, un grupu de persones de distintes procedencies y ámbitos sociales, con sensibilidaes polítiques diverses, ponen en marcha, na plataforma que-yos ufierta Público, un foru d'alderiques col enfotu d'impulsar l'aición y el pensamientu críticos, denomináu Espaciu Públicu.[5] La intención ye qu'esti foru sía un llugar d'alcuentru y puntu de partida d'una rede que promueva la participación y el llanzamientu d'iniciatives p'anovar y reforzar el pensamientu críticu alternativu frente al pensamientu únicu dominante.

Amás, dende marzu d'esi añu, Público acueye nes sos páxines los conteníos dixitales n'abiertu de la revista Panenka, una publicación que s'avera al mundu del fútbol dende un puntu de vista radicalmente distintu al del restu de medios. N'ochobre d'esi añu, Público estrena una nueva seición de videoxuegos, sumando a la so ufierta informativa periódica, los conteníos de Gamereactor, la primer rede de noticies sobre videoxuegos d'Europa.

En xunu de 2016 incorporóse tamién a la so ufierta d'información los conteníos de la revista dixital CTXT (Contexto y Acción), cola aspiración d'ufiertar información más ellaborada, a un ritmu pausáu y con un enfoque analíticu.

La presencia de Público en redes sociales tamién s'amplió al traviés de Moving2you, una nueva plataforma pa viaxeros que dexa afayar nuevos llugares, esquizar rutes, compartir esperiencies, conocer persones y xubir a Internet semeyes, vídeos, música, recetes culinaries... Esta nueva rede social, que combina les capacidaes de Facebook cola versatilidá de Google Maps, va tar integrada nuna nueva seición 'Viajeros', con apartaos dedicaos a la fotografía exótica, lliteratura de viaxes, gastronomía... Un nuevu suplementu que se suma a los apocayá inauguraos d'Emplegu, Motor y Videoxuegos.

Nuevos blogues y columnes d'opinión[editar | editar la fonte]

A principios de 2013, el diariu incorporó nuevos columnistes, dende Juan Carlos Monedero hasta Alberto Garzón, pasando por Esther Vivas, Luis García Montero y Moncho Alpuente, fináu en marzu de 2015. Los sos blogues arriqueciéronse colos del colectivu EconoNuestra, qu'axunta a un elencu d'economistes d'esquierdes; con ¡Eureka!, onde se presenten les novedaes d'inventores, innovadores ya investigadores españoles; con un mayor impulsu al blogue Memoria Pública, en defensa de la memoria hestórica, y cola recuperación del espaciu Femenino Plural, en defensa de los derechos de la muyer.

Na nueva andadura de la páxina web tomó la decisión de reestructurar la plantía habitual de collaboradores, columnistes y blogueros. Incorporáronse como collaboradores habituales David Bollero (collaborador dende 2009 y corresponsal en Londres tres la marcha d'Íñigo Sáenz de Ugarte), Alfredo Varona, Eugenio García Gascón, Antonio Avendaño, Begoña Piña, María José Arias, Fernando Ravsberg, Juan Antonio Blay, Aitor Lagunas y Ana Delicado, ente otros.

Tocantes a columnistes y blogueros, la llista de nomes de completó con Vicenç Navarro, Arturo Fernández, Juan Torres y Alberto Sicilia. Amás, tamién cunta con Luis Matías López, Anibal Malvar, Shangay Lily (fináu n'abril de 2016), David Torres, Nazanín Armanian, Juan José Téllez, Jaume Grau Víctor J. Hernández, Pablo Iglesias, Jordi Calvo, Jesús Moreno, Antonio Albiñana y Carlos Torres, ente otros. Alfons López permanez como viñetista.

Campañes na rede[editar | editar la fonte]

Público llogró convertise nel periódicu d'información xeneral européu con mayor porcentaxe d'audiencia procedente de Facebook; más d'un terciu del total de la so audiencia provién d'esta rede social. Una participación que tamién se vio reflexada en Twitter,[6] o dende Google, onde llogra tamién otru terciu de la so audiencia.

Gracies a ese impactu mediáticu nes redes sociales, el diariu apadrinó campañes ciudadanes masives por aciu de cartes abiertes empobinaes al Gobiernu español: una esixendo tresparencia sobre'l fraude fiscal (con más de 135 000 siguidores en Facebook o al traviés de correos llectrónicos direutos),[7] y otra en defensa de la Sanidá pública (con más de 42 000).[8]

Primera etapa[editar | editar la fonte]

El diariu Público foi escurríu por Jaume Roures, Tatxo Benet y Toni Cases al entamu de 2007, coles mires d'introducir nel panorama de prensa española un diariu d'ideoloxía d'esquierdes. Pa ello constituyóse la editora Mediapubli Sociedá de Publicaciones y Ediciones. Al frente del proyeutu asitióse'l periodista y blogueru Ignacio Escolar, que reclutó a profesionales d'otros diarios y medios españoles pa formar la primer plantía de la publicación, na redaición asitiada na cai Caleruega de Madrid.

El diariu y la so páxina web s'estructuraron al traviés de distintes seiciones como Opinión, Internacional, Política, Sociedá, Economía, Ciencies, Cultures, Deportes y Xente. La publicación nun constaba d'artículos editoriales, anque sí de numberosos columnistes y, dende un primer momentu, refugó publicar anuncios de prostitución. El periódicu en papel y la so edición dixital vieron la lluz per primer vegada'l 26 de setiembre de 2007 y publicó'l so últimu númberu en papel el 24 de febreru de 2012. La páxina web d'información xeneral siguió la so andadura dende entós como un mediu independiente n'Internet.

El so primer direutor foi Ignacio Escolar, que permaneció nel diariu dende la so creación en 2007 hasta'l 13 de xineru de 2009,[9] siendo asocedíu por Félix Monteira, quien ocupó'l cargu hasta'l 4 de marzu de 2010, cuando aportó a la Secretaría d'Estáu de Comunicación.[10] Dende entós hasta'l pieslle de la edición en papel, el 24 de febreru de 2012, el periódicu taba dirixíu por Jesús Maraña, cargu qu'ocupó Carlos Enrique Bayo Falcón en xunu de 2012. Anguaño, la so direutora ye la periodista Ana Pardo de Vera.

Anque'l preciu de vienta anicial del diariu foi de namái 50 céntimos, rápidamente'l so preciu pasó a ser de 1  de llunes a xueves; de 2 € los vienres y sábados; y de 2,5 € los domingos. Según datos certificaos pola OJD y referíos al períodu de xunetu de 2010 a xunu de 2011, el promediu de tirada de Público foi de 129 679 exemplares y el promediu d'espardimientu de 87 983. L'accesu a la so páxina web siempres foi gratuitu, algamando un espardimientu mayor que la edición en papel.

Primeros columnistes[editar | editar la fonte]

La seición d'Opinión cuntó con columnistes provenientes tanto del periodismu, como ye'l casu de Manuel Saco o Enrique Meneses, del mundu de la cultura, como Espido Freire, Camilo José Cela Conde, El Gran Wyoming, Luis García Montero, Alberto Olmos, Juan Luis Cano, Tonino, Nativel Preciado, Isaac Rosa o Berto Romero, asina como del ámbitu científico y universitariu como Joan Subirats y Vicenç Navarro. Tamién collaboraron como columnistes el periodista Javier Ortiz (morrió n'abril de 2009) el tamién muertu José Antonio Labordeta o los escritores Martín Casariego y Rafael Reig. Esti postreru foi'l primer redautor xefe de la seición d'Opinión, denominada entós de "Participación", y darréu columnista hasta finales d'ochobre de 2009, cuando foi retiráu de la seición.[11]

Col periódicu collaboraron viñetistes como Mauro Entrialgo, Santi Orúe, Manel Fontdevila, Bernardo Vergara, Alfons López y Pepe Medina, namái los trés últimos permanecieron na plantía hasta'l pieslle de la edición en papel; los cuatro primeros son collaboradores tamién de la revista d'humor El Jueves. Alfons López caltiense entá como viñetista del diariu dixital.

Pieslle de la edición física[editar | editar la fonte]

Dende'l so llanzamientu en 2007, la empresa fizo dellos planes d'axuste de plantía y retayu de gastos, hasta llegar a un ERE en septiembre de 2011, pol qu'hebo una trentena de baxes incentivaes, amás d'una rebaxa de sueldu pa los trabayadores colos salarios más elevaos.[12] El 3 de xineru de 2012, la empresa declaró un concursu voluntariu d'acreedores[13] pa buscar un nuevu sociu inversor que, al nun atopase, provocó'l pieslle de la edición impresa y l'aplicación d'un nuevu ERE, que supunxo'l despidu de más d'un centenar de trabayadores. Asina, el 24 de febreru de 2012, Público dexó de publicar la edición en papel, mientres la so páxina web siguió n'activu baxo la coordinación del Xefe de Seición d'Internet, Pablo Oliveira y Silva, a la espera del resolución concursal.[14]

Coles mires de dar una rempuesta a los acreedores de la compañía, l'alministración concursal punxo en marcha una puya pola cabecera de Público que se resolvió'l 22 de mayu de 2012 cola axudicación de Público.es a Display Connectors, que reorganizó la estructura de la plantía y reforzó editorialmente la páxina web con nuevos collaboradores y periodistes, quedando constituyida una nueva direutiva en xunu y una nueva redaición na cai Gran Vía de Madrid en setiembre.

Proyeutos internos[editar | editar la fonte]

Ediciones en papel

lamarea.es: Na puya que se celebró en mayu de 2012 pa l'axudicación de la cabecera de Público tamién participó una asociación de dellos extrabayadores y llectores del diariu col enfotu d'alquirir el rotativu. Al nun facese cola cabecera, esta asociación decidió formar una cooperativa, formalmente constituyida'l 8 de xunetu, baxo'l nome de MÁSPúblico, qu'edita una revista mensual en papel, amás de cuntar con una edición en dixital.[15] A partir d'avientu de 2012, esti diariu pasa a denominase La Marea, publicar el primer númberu en papel el 21 d'avientu de 2012[16]

Mongolia: revista satírica d'esquierdes publicada n'España en formatu papel. El so llanzamientu se produxo'l 23 de marzu de 2012. Según los sos creadores los referentes de la publicación son La Codorniz, Hermano Lobo, El Papus, Barcelona, The Clinic y l'humor de Monty Python. Magar el conteníu de la revista ye humorísticu, inclúi nes sos páxines la seoción «Reality news», onde s'inclúin reportaxes de periodismu d'investigación sobre temes políticos y sociales.

Líbero: Ye una revista cultural dedicada al mundu del fútbol.

Ediciones en dixital:

  • eldiario.es: El periodista y direutor fundador de Público, Ignacio Escolar, xunto con dellos redautores del diariu, punxeron en marcha en setiembre de 2012 un nuevu mediu dixital d'información y analís col focu puestu na política y na economía: eldiario.es. Editáu por Diario de Prensa Digital S.L., más del 50 % d'esta empresa ta en manes de persones que trabayen na redaición.
  • InfoLibre: El postreru direutor de la edición en papel, Jesús Maraña, xuntu col entós subdireutor, Manolo Rico, y el redautor xefe de la seición de Política, Juan Carlos Ortiz, punxeron en marcha en marzu de 2013 el diariu InfoLibre. Una propuesta informativa y cívica qu'aspira a prauticar un periodismu profesional, impulsáu por un grupu de periodistes que tienen una participación sustancial nel aicionariáu de la empresa editora; independiente, qu'aspira a sostenese fundamentalmente coles aportaciones económiques de los sos llectores; y llibre, yá que refuga cualquier forma de financiamientu opacu que puea esconder condiciones editoriales, sovenciones o alcuerdos que despinten contrapartidas en desterciu de los intereses informativos.

Materia: Aprovechando la popularidá y prestixu de la seición de Ciencies (Premiu Prisma Especial Casa de les Ciencies en 2010), seis de los sos redautores, dirixíos por Patricia Fernández de Lis, llanzaron en xunetu de 2012 una nueva web de noticies de ciencia, mediu ambiente, salú y teunoloxía, que los sos conteníos podíen ser republicados de forma gratuita per cualquier mediu d'España, América Llatina y EEXX, baxu una llicencia Creative Commons. Tres dos años nos que los sos conteníos foron reproducíos por 200 medios de tol mundu, y nos que Materia se caltuvo por aciu de patrocinios selectivos y la collaboración de los sos llectores, n'ochobre de 2014 selló un alcuerdu p'acomuñar col periódicu El País pa que Materia fore la seición de Ciencies del diariu.

Sancho Panza: Cooperativa de prensa y taller de reportaxe esperimental impulsaos pol excorresponsal de Público en París, Andrés Pérez. Esiste dende 2001, pero en 2007 s'había integrao provisionalmente en Público. Foi rellanzada tres los despidos y el pieslle del diariu, en 2012. Furrula como una axencia de prensa, y llegalmente ye una cooperativa y asociación ensin ánimu d'arriquecimientu rexistrada en Francia. Edita Oxalá/SanchoPanzaLab, revista documental, y LaNueveParis, RTV PanamePalenqueMarron

Enllaces esternos[editar | editar la fonte]

Referencies[editar | editar la fonte]

  1. «'Públicu' y 'CTXT' sellen una alianza editorial». Consultáu'l 8 de setiembre de 2016.
  2. Premios Enfoque
  3. ganadores-de-los premios.html Premios MetaComunicación Blogue Premio MetaComunicación, 7 de mayu de 2013.
  4. «La Tuerka vuelvi multiplicada en delles tuerkas.» Públicu.es, 18 de setiembre de 2014.
  5. Web d'Espaciu Públicu.
  6. siguimientu-record-en-facebook-mas-de-300-000-fans «'Públicu' llogra un siguimientu récord en Facebook, superando los 300.000 fans.» Públicu.es, 22 de febreru de 2013.
  7. «Señores ministros: ¿Quién son los que nos tán robando?» Públicu.es, 25 de payares de 2012.
  8. faer-negociu-con-la sanidá-publica «Señor presidente, ¿quién son los que van faer negociu cola sanidá pública?» Públicu.es, 17 de febreru de 2013.
  9. «Félix Monteira, nuevu direutor de Públicu». Públicu.es, 13 de xineru de 2009.
  10. «Félix Monteira, nuevu secretariu d'Estáu de Comunicación.» Públicu.es, 4 de febreru de 2010.
  11. escribo-en-publico/ 'Yá nun escribo en Públicu'
  12. «'Públicu' empecipia un ERE que va afectar a 39 trabayadores.» Públicu.es, 7 de setiembre de 2011.
  13. editora-de-publico-solicita-concursu-voluntariu-de-acreedores «La editora de Públicu solicita concursu voluntariu d'acreedores.» Públicu.es, 3 de xineru de 2012
  14. so-edicion-de papel Públicu' cierra la so edición de papel.» Públicu.es, 24 de febreru de 2012.
  15. «MÁSPúblico: Un nuevu mediu llibre y profesional.»
  16. primera-numbero-de-la marea-saldra-a-les cais-el-21-de-avientu/ «El primer númberu de La Marea va salir a les cais el 21 d'avientu.»