CTXT

De Wikipedia
Saltar a navegación Saltar a la gueta
CTXT
RevistaCtxt.png
Datos
Tipu periódicu dixital
Fundación xineru  de 2015
Idioma castellanu
Sede avenida del Doctor Arce
Llugar de publicación Madrid
Editorial Revista Contexto S.L Traducir
Fundador Roberto Saviano, Soledad Gallego-Díaz, Ignacio Sánchez-Cuenca, Miquel Barceló Traducir, Alberto Reguera, José Luis Cuerda, Concita De Gregorio, Giancarlo Santalmassi, Éric Fassin, Hans Ulrich Obrist Traducir, Pedro G. Romero y Kostas Vaxevanis
Páxina web ctxt.es/
Cambiar los datos en Wikidata

CTXT o ctxt ye un mediu dixital d'esquierdes en castellán publicáu per primer vegada en xineru de 2015.[1] La so redaición ta en Madrid, España.[2]

Datos xenerales[editar | editar la fonte]

CTXT ye una revista dixital fundada por catorce periodistes procedentes, ente otros, de los diarios españoles El Mundo y El País o'l diariu italianu La Repubblica, con llínia editorial independiente y progresista. Creóse pa ser una plataforma independiente de los intereses políticos, editoriales o empresariales.[3] Como s'indica nel so sitiu web, el so primer oxetivu ye “apurrir contestu políticu y económicu a les noticies más relevantes, antemanar los grandes asuntos que van marcar l'axenda informativa, dinamizar la cultura y la creación, promover l'alderique d'idees, y cuntar y analizar los fechos con sobriedá, honestidá, ironía (cuando seya posible) y sentíu críticu.”[3] CTXT busca responder a lo que percibe como un ábanu de noticies frenéticas, mal editaes y poco fondes nel mediu dixital.[4] El so lema ye "arguyosos de llegar tarde a les últimes noticies."[3]

CTXT cubre temes que tienen que ver cola política y la economía, amás de la cultura y los deportes, n'España, Europa y el restu del mundu. La seición multimedia contién entevistes en vídiu, fotografía y viñetes polítiques. El sitiu web de CTXT tamién tien una seición llamada "The English Corner,"[5] onde se publiquen una variedá d'artículos y entrevistes. En 2017 CTXT produxo y llanzó una serie de vídios llamada "Qué hacer" sobre la presidencia de Donald Trump. La serie consiste n'entrevistes con intelectuales prominentes estaoxunidenses, inclusive Wendy Brown, Silvia Federici y Nancy Fraser.[6] En xunu de 2016 entamó una nueva collaboración editorial cola revista dixital d'esquierdes Público.[4][7] A principios de 2018, CTXT y la editorial española Lengua de Trapo llanzaron una nueva prensa independiente, la Editorial Colección Contextos.[8][9]

Los conteníos son gratuitos y el so modelu de financiamientu ye al traviés de suscripción de particulares (53 %), de los cualos hai más de 6000,[3] y patrocinios d'empreses que nun interfieren na llínia editorial.[10] Los suscritores reciben una publicación impresa mensual, el "Dobladillo," con una tema que camuda cada mes. Temes anteriores incluyeron la Llei Mordaza, l'Arguyu LGBT, la posdemocracia y Posverdá y Antroxu.

Direición[editar | editar la fonte]

El presidente d'honor del Conseyu Editorial ye'l filósofu y llingüista Noam Chomsky. La direición del periódicu ta dirixida por Miguel Mora,[11] proveniente d'El País y ganador del XXVIII Premiu de Periodismu Francisco Cerecedo.

Los direutores axuntes son Vanesa Jiménez, anterior direutora de La Información y anterior subdireutora d'Elpais.com, y Mónica Andrade, que tamién ye conseyera delegada de Revista Contexto S.L., la empresa editora de CTXT.

El conseyu editorial atópase formáu, ente otros, polos periodistes Soledad Gallego-Díaz,[12] Jesús Ceberio, Concita de Gregorio, Kostas Vaxevanis, Joaquín Estefanía y Giancarlo Santalmassi, l'actriz Aitana Sánchez Gijón, el cineasta José Luis Cuerda, el científicu social Ignacio Sánchez-Cuenca, los artistes Miquel Barceló y Alberto Reguera, el críticu d'arte Hans Ulrich Obrist y el sociólogu francés Éric Fassin.[13]

Enllaces esternos[editar | editar la fonte]

Referencies[editar | editar la fonte]