José Luis Cuerda

De Wikipedia
05-02-2020 09:25
José Luis Cuerda
Vida
Nacimientu Albacete18 de febreru de 1947[1]
Nacionalidá España
Muerte Madrid4 de febreru de 2020[2] (72 años)
Causa de la muerte embolia arterial (es) Traducir
Estudios
Llingües falaes castellanu
Oficiu direutor de cine, guionista, productor de cine, escritoractor
Emplegadores Universidá de Salamanca
Trabayos destacaos Amanece, que no es poco
La lengua de las mariposas
El bosque animado (es) Traducir
Así en el cielo como en la tierra (es) Traducir
La marrana (es) Traducir
Total (es) Traducir
La viuda del capitán Estrada (es) Traducir
La educación de las hadas (es) Traducir
Los girasoles ciegos (es) Traducir
Premios
Nominaciones
IMDb nm0191109
Cambiar los datos en Wikidata

José Luis Cuerda Martínez (18 de febreru de 1947Albacete – 4 de febreru de 2020Madrid)[5] foi un direutor, guionista y productor de cine español. Como direutor, les sos películes más destacaes son La lengua de las mariposas, adautación d'un rellatu de Manuel Rivas, y la triloxía denominada del «surruralismu», compuesta por Total, Amanece, que no es poco y Así en el cielo como en la tierra. Trátase, según el mesmu Cuerda, de «una retorcedura de la realidá que sigue siendo realidá». Nel so papel de producción, foi'l primer productor y en ciertu mou descubridor d'Alejandro Amenábar.[6]

Biografía[editar | editar la fonte]

Siendo neñu ingresó nel seminariu, onde permaneció trés años. Empezó a estudiar la carrera de derechu, qu'abandonó para convertise en téunicu de radiodifusión y televisión.[6] En 1969 entamó a trabayar en TVE, onde collaboró nos servicios informativos y más tarde pasó a dirixir programes culturales.[7] En 1977, debutó como direutor de ficción cola adautación para Televisión Española de El túnel, basada na novela d'Ernesto Sabato. Tamién para TVE, realizó en 1977, el llargumetraxe Mala racha, basáu nun guión propiu, trátase d'una película singular, con sorprendente fuercia dramática y emotiva.[8]

Fora de la televisión, en 1982 dirixó'l so primer llargumetraxe para'l cine Pares y nones, que lo asitió nel ámbitu de los direutores de la llamada «comedia madrilana» (Fernando Colomo ye otru de les sos más importantes representantes). Ente 1985 y 1989 trabayó como profesor na facultá de Belles Artes de la Universidá de Salamanca.

La so siguiente película El bosque animado (1987) va inaugurar na so carrera una nueva etapa carauterizada polo que puede denominase como «humor absurdu». Un añu dempués apaeció'l trabayu que lu consagró como realizador, amás de ser un ésitu de taquilla: Amanece, que no es poco (1988). Con Así en el cielo como en la tierra (1995) completóse una especie de triloxía col humor absurdu como elementu común, que s'empecipiara con Total.

Con La lengua de las mariposas (1999) presenta una visión tienra y escarnada de la Guerra Civil española dende la rellación d'un neñu col so maestru.

Tamién destacó nel so rol de productor cinematográficu, faciendo esti trabayu en dellos de los sos filmes y en trés de los primeros llargumetraxes del director español Alejandro Amenábar (Tesis, Abre los ojos y Los otros); amás de ser el guionista de la mayoría de les sos producciones detrás de cámares.

Pa televisión dirixó la segunda temporada de la serie Makinavaja (1997), basada nel popular personaxe creáu por Ivà. A finales de 2017 empezó'l rodaxe de la so película Tiempo después, estrenada'l 28 d'avientu de 2018.[9]

Morrió a los 72 años d'una embolia nel Hospital de la Princesa de Madrid.[10]

Películes como direutor[editar | editar la fonte]

José Luis Cuerda nel photocall d'Alicia en el país de las Maravillas en 2010.

Obres espublizaes[editar | editar la fonte]

Premios[editar | editar la fonte]

Premios Goya[editar | editar la fonte]

Añu Categoría Película Resultáu
1988 Meyor película El bosque animado Ganador
1988 Meyor direición El bosque animado Nomáu
2000 Meyor direición La lengua de las mariposas Nomáu
2000 Meyor película La lengua de las mariposas Nomáu

Premios Ondas[editar | editar la fonte]

Añu Categoría Película Resultáu
1999 Meyor direutor La lengua de las mariposas Ganador

Premios Feroz[editar | editar la fonte]

Añu Categoría Película Resultáu
2019 Premiu d'Honor Trayeutoria profesional Ganador

Referencies[editar | editar la fonte]

  1. Afirmao en: Internet Movie Database. Identificador IMDb: nm0191109. Data de consulta: 14 ochobre 2015. Llingua de la obra o nome: inglés.
  2. URL de la referencia: https://elpais.com/cultura/2020/02/04/actualidad/1580827168_161811.html.
  3. Identificador del Boletín Oficial del Estado: BOE-A-2020-2090.
  4. URL de la referencia: https://www.europeanfilmacademy.org/1988.86.0.html. Data de consulta: 5 avientu 2019. Direición web d'archivu: https://web.archive.org/web/20191017212420/https://www.europeanfilmacademy.org/1988.86.0.html.
  5. elpaís.com (ed.): «Muere el cineasta José Luis Cuerda» (castellán). Consultáu'l 4 de febreru de 2020.
  6. 6,0 6,1 Galán, Diego (31 de xineru de 2016) (en castellán). José Luis Cuerda, maestro del surrealismo rural. https://elpais.com/cultura/2016/01/31/actualidad/1454268647_041569.html. Consultáu'l 6 d'ochobre de 2017.  Error de cita: La etiqueta <ref> ye inválida; el nome «ep» ta definíu delles vegaes con distintu conteníu
  7. Lyon, William (24 de xineru de 1983) (en castellán). 'Pares y nones', comedia de José Luis Cuerda, se estrena hoy en Madrid. El País. https://elpais.com/diario/1983/01/24/cultura/412210809_850215.html. Consultáu'l 7 d'ochobre de 2017. 
  8. Moreno, Alejandra (1989) (en castellán). Zapatero a tus zapatos: entrevista a José Luis Cuerda. Alfoz nᵘ 69/70. http://pantallacaci.com/ibermedia-digital/entrevistas/zapatero-a-tus-zapatos-entrevista-a-jose-luis-cuerda/. Consultáu'l 7 d'ochobre de 2017. 
  9. «Más Cuerda y menos cuerdo» (castellán). Consultáu'l 17 de payares de 2017.
  10. «Muere el cineasta José Luis Cuerda, el genio de ‘Amanece, que no es poco’» (castellán) (4 de febreru de 2020). Consultáu'l 5 de febreru de 2020.

Enllaces esternos[editar | editar la fonte]