Alberto Garzón

De Wikipedia
Alberto Garzón
Ministru de Consumu del Gobiernu d'España

13 xineru 2020 - 20 payares 2023
Salvador Illa Roca - Pablo Bustinduy (es) Traducir
Diputáu nel Congresu de los Diputaos d'España

3 avientu 2019 -
Distritu: Málaga
Eleiciones: eleiciones al Congresu de los Diputaos de payares de 2019 en Málaga
Diputáu nel Congresu de los Diputaos d'España

20 mayu 2019 - 3 avientu 2019
Distritu: Málaga
Eleiciones: eleiciones al Congresu de los Diputaos d'abril de 2019
Diputáu nel Congresu de los Diputaos d'España

12 xunetu 2016 - 21 mayu 2019
Distritu: Madrid
Eleiciones: eleiciones al Congresu de los Diputaos de 2016 en Madrid
coordinador federal d'Izquierda Xunida

5 xunu 2016 -
Cayo Lara
Diputáu nel Congresu de los Diputaos d'España

7 xineru 2016 - 19 xunetu 2016
Distritu: Madrid
Eleiciones: eleiciones al Congresu de los Diputaos de 2015 en Madrid
Diputáu nel Congresu de los Diputaos d'España

29 payares 2011 - 13 xineru 2016
Distritu: Málaga
Eleiciones: eleiciones al Congresu de los Diputaos de 2011
Vida
Nacimientu Logroño9 d'ochobre de 1985[1] (38 años)
Nacionalidá España
Residencia Rivas-Vaciamadrid
Familia
Hermanos/es Eduardo Garzón
Estudios
Estudios Universidá de Málaga
Universidá Complutense de Madrid
Llingües falaes castellanu
Oficiu políticu, economistaministru
Llugares de trabayu Madrid y Sevilla
Creencies
Partíu políticu Partíu Comunista d'España
Izquierda Xunida [1]
IMDb nm4553684
agarzon.net
Cambiar los datos en Wikidata

Alberto Carlos Garzón Espinosa[2] (9 d'ochobre de 1985Logroño) ye un políticu y economista español. Militante del PCE, y d'Izquierda Xunida dende 2003, dende les eleiciones xenerales de 2011 ye diputáu nel Congresu por dicha formación. Tamién ye miembru d'ATTAC (organización que promueve el control democráticu de los mercaos financieros).[3] Dende 2016 ye coordinador federal d'Izquierda Xunida y en 2015 foi escoyíu, por aciu primaries, candidatu a la presidencia del Gobiernu d'España por Unidá Popular nes eleiciones xenerales de 2015.[4]

Biografía[editar | editar la fonte]

Oríxenes familiares y adolescencia[editar | editar la fonte]

Ye fíu del malagueñu Alberto Garzón Blanco, profesor de Xeografía y Historia, y de la rioxana Isabel Espinosa Casares nacida na llocalidá de Cenicero, farmacéutica, que se conocieren en selmana santa na llocalidá malagueña de Rincón de la Victoria. Los sos primeros años pasólos en Logroño, onde nació, hasta que con tres años, la familia treslladóse a la llocalidá sevillana de Marchena, onde'l so padre consiguiera plaza de profesor.[5]

En 1994 la familia volvió a Rincón de la Victoria. Estudió la primaria nel colexu Manuel Laza Palacios y la secundaria, nel institutu Ben Al Jatib onde'l so padre enseñaba. Gustába-y el fútbol ya intentó entrar, ensin ésitu, nel Club Deportivo Rincón.

Etapa universitaria[editar | editar la fonte]

Alberto Garzón matriculóse primeramente n'Alministración y Direición d'Empreses na Facultá de Ciencies Económiques y Empresariales de la Universidá de Málaga, pero al añu siguiente camudó a Economía. Con 18 años afilióse a Izquierda Xunida Los Verdes-Convocatoria per Andalucía.

Nel añu 2004 participó na fundación d'Estudiantes por una Economía Crítica, una asociación de la que foi presidente hasta 2008 y que taba en llinia col movimientu Postautismu nacíu en Francia años antes. El propósitu d'aquella asociación yera académicu-militante, pos se denunciaba "el pensamientu únicu y el vacíu intelectual que impera na enseñanza de la economía" al empar que se participaba en movimientos sociales como'l Foru Social Otra Málaga de 2004.[6] Dicha asociación integraríase primero en "Estudiantes d'Izquierdes", asociación universitaria de calter izquierdista y anticapitalista, y darréu na plataforma d'"Estudiantes Críticos", xunta de diversos coleutivos progresistes.[7] Economía Crítica Málaga presentóse tamién a les eleiciones estudiantiles, llogrando un 64% de los votos en 2008.[8]

Foi na llista d'IX a les eleiciones municipales de 2007, como númberu cinco.

Garzón estudió dempués na Facultá de Ciencies Económiques y Empresariales de la Universidá Complutense de Madrid, concretamente'l máster d'Economía Internacional y Desarrollu impartíu pol departamentu d'Economía Aplicada I. Dichu departamentu foi l'espaciu académicu onde impartió clases Sampedro, a quien Garzón estimó públicamente ser el fundador de la so escuela de pensamientu.[9] D'aquel departamentu salieron otros cargos políticos de l'izquierda alternativa, ente ellos el que foi coordinador d'Izquierda Xunida-Madrid, Eddy Sánchez, pero tamién los economistes de referencia de Podemos, Nacho Álvarez y Bibiana Medialdea. Foi investigador na Universidá Pablo de Olavide de Sevilla, según miembru del coleutivu Economía crítica y crítica de la economía.

Diputáu nel Congresu (2011-presente)[editar | editar la fonte]

El 2 d'ochobre de 2011 foi escoyíu pa encabezar la llista d'IX per Málaga pa les eleiciones xenerales de 2011, resultando escoyíu diputáu.[10][11] Mientres la campaña eleutoral la so candidatura recibió'l sofitu de persones del mundu de la cultura como Juan Diego Botto, Carlos Bardem y Antonio de la Torre.[12][13] Foi'l diputáu más xoven del congresu nesa llexislatura.

La so activa participación nel Movimientu 15-M[14] traxo que darréu se -y considerara un voceru del 15-M nel Congresu.[15] En xineru de 2013 foi escoyíu miembru de la Comisión Executiva Federal d'Izquierda Xunida, máximu órganu na direición de la formación, asumiendo la responsabilidá d'Economía Política Global.[16]

Alberto Garzón en xunu de 2013 na XIX Asamblea de IX Andalucía.

El 29 de payares de 2011, día en qu'allegaron al Congresu p'acreditase como miembros del Parllamentu resultante de les eleiciones xenerales del mesmu mes, Garzón y el coordinador de IX Cayo Lara arrenunciaron al sistema de pensiones priváu que se-yos concede a cada unu de los miembros del Congresu.[17]

El 7 de febreru de 2013, fixo pública la so nómina oficial nel Congresu y apurrió otros datos sobre los sos ingresos y patrimoniu n'ares, según esplicó na so web, de la tresparencia y l'ética.[18] D'esta forma tamién ye unu de los primeros diputaos al faelo, yá que el Congresu de los Diputaos nun fai públiques les nómines.[19]

El 11 de marzu de 2013, desmarcóse de la política de parte de la so organización al pidir «sanciones xudiciales pa los conseyeros d'IX que comulgaron col caciquismu de les caxes d'aforru» al entender que «da igual nes sigles nes que s'acovezan aquelles persones qu'aprovechen la política pa usu priváu».[20]

El 21 de febreru de 2015, foi escoyíu candidatu d'Izquierda Xunida a la presidencia del gobiernu nes eleiciones xenerales, col 75,8 % de los votos del Conseyu Políticu Federal, yá que el so rival nes primaries abiertes, Nicolás García, nun consiguió axuntar los avales necesarios p'allegar al procesu.[21][22]

En 2016 celebráronse unes primaries n'IX. A pesar de tener una participación del 40,2 %, Alberto Garzón, foi escoyíu coordinador federal, con un 74,4 % de los votos, frente a la eurodiputada Paloma López Bermejo, sofitada por Cayo Lara, que llogró un 20,8 %, ente que Tasio Oliver, sofitáu por Gaspar Llamazares ya Izquierda Abierta, llogró un 4,6 %.[23][4]

Ideoloxía[editar | editar la fonte]

Alberto Garzón tuvo afiliáu a la Unión de Mocedaes Comunistes d'España na so mocedá y dempués, hasta l'actualidá, pasó a engrosar les files del Partíu Comunista d'España. Sicasí, Garzón foi tacháu munches vegaes de socialdemócrata por plantegar en numberoses ocasiones midíes reformistes que nun busquen acabar col capitalismu.[24] Según los sos propios críticos, esto pue ser debíu al fechu de trabayar y publicar dellos llibros conxuntos– con dos economistes de referencia dientro de la socialdemocracia como son Vicenç Navarro y Juan Torres López.[25] Lo cierto ye que los sos trabayos académicos traten sobre les interpretaciones heterodoxes a la crisis, ensin que quede claro a qué escuela ta él adscritu.[26] Na so páxina web asegura que ye debedor del pensamientu heterodoxu marxista y poskeynesiano, con toque especial d'ecoloxía política. Coles mesmes, cita ente les sos referencies a economistes como Michal Kalecki, Marx, Paul Sweezy, Antonio Gramsci y Lenin.[3]

N'entrevistes posteriores a la so eleición como diputáu Garzón destacó la imposibilidá de la socialdemocracia, vista ésta en términos teóricos:

El BCE persigue un modelu de sociedá bien determináu: el mesmu Draghi faló de rebaxa de costos salariales para llograr una situación competitiva. Añadió que'l nuesu país tenía que buscar les sos ventayes comparatives, lo que quier dicir que nos ta mandando a un mercáu mundial a competir contra tol mundu y a ver quién viende los sos productos más baratos. Nesi espaciu institucional la socialdemocracia nun puede sobrevivir porque para poder competir y vender más baratu que los tos competidores precises tener trabayadores más baratos y precises tomar midíes económiques que faen invidable caltener l'Estáu del bienestar. Nun capitalismu tan flexibilizáu, tan desregularizáu y tan competitivu la socialdemocracia pierde los espacios.
Alberto Garzón.[27]

Tamién defendió la incompatibilidá de la democracia col sistema económicu capitalista y l'imposibilidá de que'l planeta aguante la presión del so modelu de producción y consumu:

El capitalismu ye incompatible cola democracia porque nesti sistema económicu los votos determínense en función del dineru, de manera qu'aquellos que más tienen son los que más manden. Si los recursos nun tán xestionaos pola sociedá, si nun son recursos públicos democráticamente xestionaos, evidentemente'l poder y la capacidá de decidir qué se produz y pa ónde vamos va tar nun espaciu privao y alloñao de la ciudadanía. Tenemos de tener claro que les grandes empreses y los grandes sectores estratéxicos tienen que ser públicos para decidilo tou democráticamente y que efeutivamente esista una democracia. Pero sobremanera hai otru imperativu, que ye l'ecolóxicu: el nuesu planeta nun aguanta un sistema competitivu como l'actual modelu de producción y consumu que representa'l capitalismu.
Alberto Garzón.[27]

Publicaciones[editar | editar la fonte]

Alberto Garzón collaboró na ellaboración de los siguientes documentos:

  • 2009 - La crisis financiera. Guía para entenderla y explicarla. - Juan Torres López y Alberto Garzón.
  • 2009 - La crisis de las hipotecas basura. ¿Por qué se cayó todo y no se ha hundido nada? - Juan Torres López y Alberto Garzón. Editorial Sequitur & ATTAC España.

Alberto Garzón ye autor de les siguientes publicaciones:

  • 2010 - ¿Están en peligro las pensiones públicas? - Vicenç Navarro, Juan Torres López y Alberto Garzón. Editorial Attac España.
  • 2011 - Hay alternativas - Vicenç Navarro, Juan Torres López y Alberto Garzón. Editorial Sequitur & Attac España. Libre descarga del libro desde la editorial Sequitur.[28]
  • 2012 - Esto tiene arreglo. Editorial Destino
  • 2013 - La gran estafa. Editorial Destino[29]
  • 2013 - La tercera república. Editorial Península[30]
  • 2015 - A pie de escaño.Editorial Península[31]

Vida personal[editar | editar la fonte]

Alberto Garzón empezó a salir con Anna Ruiz, médicu de familia del hospital La Princesa. El día 24 d'agostu de 2016 anunciaron la so próxima boda.

Referencies[editar | editar la fonte]

  1. 1,0 1,1 URL de la referencia: http://www.congreso.es/portal/page/portal/Congreso/Congreso/Diputados/BusqForm?_piref73_1333155_73_1333154_1333154.next_page=/wc/fichaDiputado?idDiputado=334&idLegislatura=13. Data de consulta: 18 agostu 2019.
  2. «Alberto Garzón». Izquierda Unida. Consultáu'l 9 de mayu de 2016.
  3. 3,0 3,1 Nota biográfica en el blog personal de Alberto Garzón Espinosa.
  4. 4,0 4,1 «Las bases de Izquierda Unida dan a Alberto Garzón el aval para pilotar el partido». El País. Consultáu'l 30 de mayu de 2016. Error de cita: La etiqueta <ref> ye inválida; el nome «Las bases_1» ta definíu delles vegaes con distintu conteníu
  5. Romero, Antonio M. (1 d'avientu de 2014). «Un líder precoz». Sur. Consultáu'l 26 d'abril de 2015.
  6. «Páxina web de Economía Crítica Málaga».
  7. «Entrada Estudiantes de Izquierdas en Malagapedia».
  8. «Resultados eleutorales Claustro Universidad de Málaga, 2008».
  9. «"Gracias, Jose Luís", artículo en TheHuffingtonpost».
  10. IULV-CA aprueba sus candidaturas eleutorales presentando unas listas "cremallera" y "plurales", en 20 minutos del 2 d'ochobre de 2011.
  11. Resultados oficiales de las eleiciones generales del 20 de payares de 2011 en la provincia de Málaga.
  12. Juan Diego Botto y Carlos Bardem apoyan la candidatura de Carlos Bardem.
  13. Antonio de la Torre pide el voto para Izquierda Unida.
  14. Izquierda Unida integra a voces del 15-M en sus listas, en Público.es del 3 d'ochobre de 2011.
  15. IU coloca en el Congreso a Alberto Garzón, un miembro del movimiento 15-M, en 20minutos.com del 21 de payares de 2011.
  16. Nuevatribuna (2 de febreru de 2013). «Llamazares mantiene su cuota y Alberto Garzón y Ricardo Sixto ganan peso en la nueva ejecutiva de IU». Nueva Tribuna. Consultáu'l 9 de febreru de 2013.
  17. Fernando Garea (29 de payares de 2011). «Dos diputados de IU renuncian al plan de pensiones que les da el Congreso». El País. Consultáu'l 29 de payares de 2011.
  18. «Páxina web de Alberto Garzón». Archiváu dende l'orixinal, el 26 de payares de 2015.
  19. Carmen Moraga (10 de xineru de 2013). «La Mesa del Congreso descarta hacer públicas las nóminas de los diputados». ElDiario.es. Consultáu'l 9 de febreru de 2013.
  20. [1]
  21. «Alberto Garzón, elegido candidato de IU a presidente del Gobierno». EITB (21 de febreru de 2015). Consultáu'l 2 de marzu de 2015.
  22. Riveiro, Aitor (23 de xineru de 2015).
  23. «La militancia avala a Alberto Garzón para dirigir el futuro de IU». El Mundo. Consultáu'l 30 de mayu de 2016.
  24. No hay alternativas (otro capitalismu es imposible)
  25. Los mundos de Izquierda Unida: Alberto Garzón, en Kaosenlared.net del 9 de xineru de 2013.
  26. La crisis económica actual y la heterodoxia: postkeynesianos, radicales y (neo)marxistas
  27. 27,0 27,1 Otero, Jorge. «Alberto Garzón: "Hay que formatear las instituciones del Estado», Público, 23 de febreru de 2013.
  28. Hay alternativas.
  29. Tercerainformacion.es: Alberto Garzón desmonta mentiras sobre la crisis en su nuevo libro "La gran estafa"
  30. Eldiario.es: VÍDEO: Presentación del libro "La Tercera República" de Alberto Garzón
  31. Diario de León: Alberto Garzón, "A Pie de escaño"

Enllaces esternos[editar | editar la fonte]