Saalfeld

Saalfeld
Alministración
País	Alemaña
Estáu federáu	Turinxa
Rural district of Thuringia (en)	Distritu de Saalfeld-Rudolstadt
Tipu d'entidá	conceyu urbanu d'Alemaña
Nome oficial	Saalfeld (de)
Nome llocal	Saalfeld (de)
Códigu postal	07318
Xeografía
Coordenaes	50°39′02″N 11°21′15″E / 50.6506°N 11.3542°E
	Saalfeld Saalfeld (Alemaña)
Superficie	145.56 km²
Altitú	235 m
Demografía
Población	29 121 hab. (31 avientu 2023)
Porcentaxe	26.65% de Distritu de Saalfeld-Rudolstadt
Densidá	200,06 hab/km²
Más información
Fundación	sieglu VII
Prefixu telefónicu	03671
Estaya horaria	UTC+01:00 (horariu estándar); UTC+02:00 (horariu de branu)
Llocalidaes hermaniaes	Kulmbach (en)
	saalfeld.de

Saalfeld (n'alemán: Saalfeld/Saale) ye una ciudá d'Alemaña nel distritu de Saalfeld-Rudolstadt en Turinxa, na vera esquierda del ríu Saale, a unos 50 km al sur de Weimar y 130 km, per autopista, al suroeste de Leipzig.

Historia

Saalfeld ye una de les ciudaes más antigües de Turinxa. Una vegada capital del estinguíu ducáu de Saxonia-Saalfeld, formó parte de Saxonia-Meiningen hasta 1918. La ciudá sigue tando arrodiada en parte por antigües muralla y bastiones, y contién delles interesantes construcciones medievales, ente elles un palaciu construyíu a empiezos de la Edá Moderna en 1679 nel sitiu de l'Abadía Benedictina de San Pedro, que foi destruyida mientres la Guerra de los llabradores alemanes (1525). Otres edificaciones importantes son la Ilesia Gótica de San Juan, que data de principios del sieglu XIII; el Conceyu góticu, completáu en 1537; y, calteniéndose sobre'l ríu, el Kitzerstein, un palaciu que se diz foi alzáu pol Rei alemán Enrique I, anque la construcción actual nun ye anterior al sieglu XVI. Pero quiciabes la reliquia más interesante del pasáu en Saalfeld ye la ruina del Hoher Schwarm, llamáu depués el Sorbenburg, que se diz foi alzáu nel sieglu VII.

La Batalla de Saalfeld, parte de les Guerres Napoleóniques, llibróse'l 10 d'ochobre de 1806.

Demografía

**Evolución de la población de la ciudá de Saalfeld**
1833	1890	1905	1910	1925
4604	9801	13242	14347	17960
1933	1939	1946	1950	1960
19148	22903	26387	27673	26876
1970	1981	1984	1985	1994
33643	34256	33586	33614	32349
1995	1996	1997	1998	1999
31922	31983	31489	30299	29868
2000	2001	2002	2003	2005
29511	29060	28759	28393	27918

Industria

Saalfeld ta asitiada nuna de les partes más poblaes de Turinxa y tien delles industries, qu'inclúin la manufactura de maquinaria, lladriyu, colores, malta, cigarros, calcetería y vinagre. Otres industries son les de la cerveza, imprenta y fundición de fierro. Tamién hai mines d'ocre y fierro na zona.

Cultura

Saalfeld ye la ciudá de les hestories d'ucronía, ésitu en ventes, de les 1632 series d'Eric Flint, nes cualos una pequeña ciudá americana de 3000 co-protagonistes trespórtase de sópitu pol tiempu y espaciu a la Guerra de los Trenta Años, qu'afaró a la casi despoblada Alemaña central.