Rukbat

De Wikipedia
Saltar a navegación Saltar a la gueta
Rukbat
Rukbat
Constelación Saxitariu
Ascensión reuta α 19h 23min 53,2s
Declinación δ -40º 36’ 58’’
Distancia 170 ± 9 años-lluz
Magnitú visual +3,96
Magnitú absoluta +0,38
Lluminosidá 112 soles
Temperatura 12.370 K
Masa 3,2 soles
Radiu 2,3 soles
Tipu espectral B8V
Velocidá radial -0,7 km/s

Rukbat (α Sagittarii / α Sgr / HD 181869)[1] ye una estrella na constelación de Saxitariu de magnitú aparente +3,97. Anque ostenta la denominación de Bayer Alfa, falta enforma de ser la más brillosa de la constelación, siendo la decimoquinta más brillosa de la mesma. El so nome escritu dacuando como Rucba— provién del árabe Ar-Rukbah y significa «la rodía», indicando la so posición nel cuerpu del arqueru. Tamién ye conocida pola denominación de Alrami, términu que significa «l'arqueru», en referencia al conxuntu de la constelación.

A una distancia de 170 años lluz del Sistema Solar, Rukbat ye una estrella blancu-azulada de tipu espectral B8V y 12.370 K de temperatura efectivo. Relluma con una lluminosidá 112 vegaes superior a la lluminosidá solar. Con un diámetru 2,3 vegaes más grande qu'el del Sol, la so masa ye ente 3 y 3,2 vegaes mayor que la masa solar. El so conteníu metálico (metalicidá) ye comparable a la solar.[2] Ta arrodiada d'una nube de polvu —probablemente en forma de discu—, similar a la descubierta en redol a Vega (α Lyrae). Coles mesmes, ye una fonte débil de rayos X.[3]

Anque'l analís espectral indica que Rukbat puede tener una compañera cercana, hasta'l momentu la so busca nun dio resultancies.

Referencies[editar | editar la fonte]