Robert Rodriguez

De Wikipedia
Robert Rodriguez
Vida
Nacimientu San Antonio[1]20 de xunu de 1968[2] (55 años)
Nacionalidá Bandera de Estaos Xuníos d'América Estaos Xuníos
Familia
Casáu con Elizabeth Avellán Ochoa (es) Traducir (1990 – 2006)
Pareyes Rose McGowan
Fíos/es
Estudios
Estudios Facultad de Comunicación (Universidad de Texas en Austin) (es) Traducir
St. Anthony Catholic High School (en) Traducir
Universidá de Texas n'Austin
St. Anthony Catholic School (en) Traducir
Llingües falaes inglés[4]
Oficiu direutor de cine, productor de cine, guionista, músicu, direutor de fotografía, compositor, montador, actor de cine, camarógrafo (es) Traducir, diseñador de producciónrealizador
Premios
Miembru de Writers Guild of America West (es) Traducir
IMDb nm0001675
troublemakerstudios.com
Cambiar los datos en Wikidata
Robert Rodriguez

Robert Anthony Rodriguez (20 de xunu de 1968San Antonio) ye un direutor de cine, guionista, músicu y productor de los Estaos Xuníos. Conocíu por facer producciones rentables, seyan independientes o d'estudiu, con presupuestos baxos y rodaxes ensin demores. Rueda y produz les sos películes principalmente en Texas y Méxicu.

Entamó a trabayar en Hollywood darréu asoleyar la so película primera, El Mariachi.

Biografía[editar | editar la fonte]

Nos sos Entamos[editar | editar la fonte]

Nació en San Antonio (Texas), nuna casa d'emigrantes mexicanos, siendo'l terceru d'una familia de diez hermanos. Dempués d'acabar l'institutu estudió na Universidá de Texas. Rodriguez escribió'l guión del so primer llargometrax demientes taba internáu nes instalaciones d'unos llaboratorios d'investigación, como paciente d'un esperimentu clínicu remuneráu. Lo que sacó valió pa pagar el so primer rodax. Albidró recuperar los cuartos vendiendo la película nel mercáu del videu domésticu mexicanu. La película yera El Mariachi (1993), que Rodriguez escribió, dirixó, fotografió, montó y grabó'l soníu con un presupuestu de 7.000 dólares. Demientres que siguía investigando la manera de vender la so película nel mercáu del videu, Rodriguez robló un contratu con un importante axente de ICM. Foi darréu cuando Columbia Pictures mercó los derechos y contrató como direutor por dos años a Rodriguez. El Mariachi terminó ganando'l valiosu Premiu del Públicu a la Meyor Película Dramática del Festival de Cine de Sundance, y foi tamién gallardoniada nos festivales de Berlín, Munich, Edimburgu, Deauville y Yubari (Xapón). El Mariachi convirtióse na película de menor presupuestu estrenada por un gran estudiu y na primer cinta americana estrenada en castellanu. Rodriguez escribió sobre eses esperiencies en Rebel Without a Crew, espublizáu por Dutton Press.

Carrera[editar | editar la fonte]

Entós Rodriguez escribió, produxo, dirixó y montó Desperado (1995), una secuela d'El Mariachi, pa Columbia Pictures. Esti trabayu presentó a Salma Hayek al públicu norteamericanu, asina como a Antonio Banderas nun papel de protagonista. Rodriguez fixo'l mesmu trabayu sacante la producción en The Misbehavers (1995), que tamién protagonizara Antonio Banderas y que constitúi una de las cuatro partes de Four Rooms, de Miramax Films. Más llueu, acomuñó con Quentin Tarantino na película From Dusk Till Dawn, de Dimension Films. Rodriguez dirixó un repartu nel que taba'l propiu Tarantino, que fo l'encargáu d'escribir el guión. El siguiente proyeutu como realizador de Rodriguez foi The Faculty (1998), de Dimension Films, protagonizada por Josh Hartnett, Elijah Wood y Jordana Brewster. En 2001, Robert Rodriguez fixo realidá ún de los suaños de la so vida, y asoleyó una película d'aventures pa tola familia, Spy Kids. Foi aclamada pola crítica y tuvo un gran ésitu de taquilla, con unos ingresos que pasaron de los 100 millones de dólares namás nos Estaos Xuníos. Depués vieno Spy Kids 2, que sacó crítiques perbones y Spy kids 3-D: Game Over, que foi estrenada nos Estaos Xuníos el 25 de xunetu de 2003. La tercer parte de la triloxía El Mariachi, El Mexicano, rodada, montada y producida por él mesmu, estrenóse n'Estaos Xuníos el 12 de setiembre 2003. Participó arriendes como guionista.

Vida personal[editar | editar la fonte]

Tuviera casáu con Elizabeth Avellán dende 1990 hasta 2007, divorciándose al poco rodar la so película Planet Terror, áu entabló una rellación sentimental cola actriz Rose McGowan.

Filmografía[editar | editar la fonte]

  • Sin City 2 (2009) Direutor, Música
  • Red Sonja (2009) Direutor
  • Planet Terror (2007) Direutor, Fotografía, Guionista, Montador, Producción
  • Las aventuras de Shark Boy y Llava Girl en 3D (2005) Direutor, Guionista
  • Sin City (2005) Direutor, Guionista, Producción
  • Spy Kids 3 (2004) Direutor, Guionista, Cinemat/Montador, Musica, Producción
  • El mexicano (2004) Direutor, Guionista, Cinemat/Montador, Musica, Producción
  • Kill Bill Vol. 2 (2004) Musica
  • Spy kids 2: la isla de los sueños perdidos (2003) Direutor, Fotografía, Guionista, Cinemat/Montador, Musica
  • Érase una vez en Méxicu (Once Upon a Time in Mexico) (2003) Direutor, Fotografía, Guionista, Cinemat/Montador, Producccón
  • Spy Kids (2001) Direutor, Guionista, Musica
  • Del Crepusculo al amanecer 3: la hija del vampiro (1999) Productor executivu
  • The Faculty (1999) Direutor
  • Full Tilt Boogie (1997) Actor
  • Del Crepusculo al amanecer / Abierto hasta el amanecer (1996) Direutor
  • Desperado (1995) Direutor, Guionista, Producción
  • Four Rooms (1995) Direutor, Guionista
  • Indomable (1994) Direutor, Guionista
  • El mariachi (1992) Direutor, Fotografía, Guionista

Referencies[editar | editar la fonte]

  1. Afirmao en: Gemeinsame Normdatei. Data de consulta: 10 avientu 2014. Llingua de la obra o nome: alemán. Autor: Biblioteca Nacional d'Alemaña.
  2. Afirmao en: SNAC. Identificador SNAC Ark: w6fk6180. Apaez como: Robert Rodriguez. Data de consulta: 9 ochobre 2017. Llingua de la obra o nome: inglés.
  3. Afirmao en: Internet Movie Database. Llingua de la obra o nome: inglés.
  4. Biblioteca Nacional de Francia. «autoridaes BNF» (francés). Consultáu'l 10 ochobre 2015.
  5. «Sundance Institute» (inglés). Sundance Institute Digital Archive. Consultáu'l 8 febreru 2024.

Enllaces esternos[editar | editar la fonte]