Rho Puppis

De Wikipedia
Saltar a: navegación, buscar
Rho Puppis
Rho Puppis
Constelación Puppis
Ascensión reuta α 08h 07min 32,70s
Declinación δ -24º 18’ 16,0’’
Distancia 63 años lluz
Magnitú visual +2,83
Magnitú absoluta +1,41
Lluminosidá 22 soles
Temperatura 6540 K
Masa 1,85 soles
Radiu 3,7 soles
Tipu espectral F6III
Velocidá radial +46,1 km/s

Rho Puppis (ρ Pup / 15 Puppis / HD 67523)[1] ye la tercera estrella más brillosa de la constelación de Puppis, la popa del Argo Navis, namái superada por Naos (ζ Puppis) y π Puppis. De magnitú aparente +2,83, alcuéntrase a 63 años lluz de distancia del Sistema Solar. Dacuando ye conocida col nome de Tureis, términu igualmente utilizáu pa designar a Aspidiske (ι Carinae).

Rho Puppis ye una xigante blancu-mariella de tipu espectral F6III con una temperatura superficial de 6540 K. 22 vegaes más lluminosa qu'el Sol, tien un radiu 3,7 vegaes más grande qu'el radiu solar. La so velocidá de rotación ye de 14 km/s —siendo este un valor mínimu—, implicando un periodu de rotación inferior a 13 díes.[2] Tien una elevada metalicidá, con una bayura relativa de fierro más del doble que nel Sol.[3] Con una masa de 1,85 mases solares, terminó apocayá la fusión nuclear de hidróxenu, polo que cabo definila más como una subxigante que como una auténtica xigante.[2]

Rho Puppis ye una variable del tipu Delta Scuti, una estrella pulsante de menor masa qu'una cefeida. Xuntu a Caph (β Cassiopeiae), Rho Puppis ye una de les más brilloses d'esta clase. El so rellumu varia ente magnitú +2,68 y +2,87 nun ciclu principal de 0,14088 díes, esistiendo ciclos secundarios de 0,13 y 0,16 díes. Estes variaciones inflúin nel so espectru, lo que llevó a pensar nel pasáu que Rho Puppis tenía una compañera cercana, güei dafechu refugada.[2]

Referencies[editar | editar la fonte]