Quebec (ciudá)

De Wikipedia
Saltar a: navegación, buscar
Quebec City

La ciudá de Quebec (en francés Ville de Québec; n'inglés Quebec City), de nome oficial Québec[1][2][2], ye la capital de la provincia canadiense de Quebec. La ciudá tien una población estimada pa xunetu de 2016 de 531.902 habitantes, con un aumentu del 3% dende 2011[3], mentantu que na so área metropolitana vivíen, nesa mesma fecha, 800.296 habitantes, un 4,3% más qu'en 2011[4]. Eses cifres d'habitantes faen d'ella la segunda mayor ciudá de la provincia, tres de Montreal, y la séptima mayor área metropolitana de Canadá.

L'estrenchamientu del ríu San Llorienzo nel sitiu aú s'asienta la ciudá foi el que-y dio'l nome a la ciudá; Kebec, na llingua de los algonquinos, significa "aú s'estrecha'l ríu". La ciudá, fundada en 1608 por Samuel de Champlain, ye una de les ciudaes más antigües d'América del Norte. Les muralles de la ciudá, qu'arrodien el so cascu antiguu (Vieux-Québec), son les úniques muralles urbanes que se conserven al norte de Méxicu, y foron declaraes Patrimoniu de la Humanidá pola Unesco en 1985 col nome de 'Historic District of Old Québec' (Distritu históricu del Vieyu Québec)[5][6].

Ente los elementos arquitectónicos más destacaos de la ciudá rescamplen el Château Frontenac, un hotel que domina'l skyline de la ciudá, y la ciudadela, una fortaleza intacta que fae de pieza central de les muralles qu'arrodien la ciudá vieya y que ye residencia real. Na ciudá tienen tamién la so sé'l parllamentu provincial, el Muséu Nacional de Belles Artes de Québec y el Muséu de la Civilización.


Icono de esbozo
Esti artículu ye un entamu. Pues ayudar a la Wikipedia n'asturianu ampliándolu.

Referencies[editar | editar la fonte]

  1. «Québec, City of Québec, Quebec City». Public Works and Government Services Canada. Consultáu'l 13 d'abril de 2018.
  2. 2,0 2,1 «Place Names - Québec». Government of Canada (2016).
  3. Statistics Canada Census 2016
  4. Canada, Government of Canada, Statistics. «Population and Dwelling Count Highlight Tables, 2016 Census».
  5. "Historic District of Old Québec". World Heritage; UNESCO. Consultáu'l 12 de xineru de 2009.
  6. «Old Quebec City, Seven Wonders of Canada». cbc.ca. http://www.cbc.ca/sevenwonders/wonder_quebec_city.html. Consultáu el 13 d'abril de 2018. 

Enllaces esternos[editar | editar la fonte]