Pica (arma)

De Wikipedia
Pica
weapon functional class (en) Traducir
arma de asta (es) Traducir
Cambiar los datos en Wikidata

La pica[1] ye un arma d'asta que foi mui usada pola infantería, principalmente pa facer frente a los ataques y cargues con caballería.

Fechura[editar | editar la fonte]

Les piques son asemeyaes a una llanza, pero muncho más grandes en llonxitú, midiendo ente tres y cuatro metros normalmente. A midida que s'usaron, les piques foron ganando en tamañu, tanto d'asta como de punta; les piques más grandes podíen superar los seyes metros de llonxitú. Esti tamañu requería una madera fuerte pa la so fechura, como por exemplu'l fresnu que s'encontaba a vegaes con dos tires d'aceru, una a cada llau del asta.

Usu[editar | editar la fonte]

La formación pesada de piqueros ñació en Suiza demientres la baxa edá media, pa frenar les cargues de caballería, usando les llargues piques como muria defensiva. Poro, demientres la Baxa Edá Media y la Renacencia, los piqueros formaben la parte defensiva de los exércitos, mentanto la caballería formaba la parte más ofensiva. Por aciu del tamañu de la pica, ésta yera práuticamente inútil nel combate cuerpu a cuerpu, polo que los piqueros solíen llevar dalgún otru arma, como una espada.

Nel campu de batalla, les piques usábense en formaciones de falanxe o de "puercuspín". Por exemplu, los escoceses usaron reximientos nomaos schiltrones pa lluchar escontra la caballería pesada inglesa na Batalla de Bannockburn en 1314. Los españoles desendolcaron los tercios, nos que los arcabuceros protexíen los llaterales de la falanxe. Demientres el sieglu XVII, tovía s'usaben grandes formaciones de piqueros, davezu como proteición d'unidaes de mosqueteros.

Decadencia[editar | editar la fonte]

Les piques foron reemplazaes como arma pal campu batalla poles bayonetes, que se ficieron más rentables a mediaos del sieglu XVII. A fines del sieglu XVII, les armes de fueu con bayonetes finaron la transición del arma de fueu y l'arma d'asta a un solu arma. Esta fusión, xunida a la desapaición de la táutica de la carga de caballería en favor de les armes de fueu, foi la fin práutica de la pica. D'otra miente, la pica tovía foi usada en momentos puntuales, como na rebelión irlandesa de 1798.

Referencies[editar | editar la fonte]