Paul Giamatti
Paul Edward Giamatti (6 de xunu de 1967, New Haven) ye un actor y comediante d'Estaos Xuníos. Empezó la so carrera como actor secundariu mientres los años 1990 en producciones como Private Parts, The Truman Show, Saving Private Ryan, The Negotiator y Man on the Moon, enantes de consiguir papeles como protagonista mientres los años 2000 en películes como American Splendor, Sideways, Cinderella Man, John Adams y Cold Souls. Mientres la so carrera foi nomáu a un Óscar y ganó dos Globos d'Oru.
Primeros años
[editar | editar la fonte]Giamatti nació en New Haven, Connecticut. Ye fíu d'Angelo Barlett Giamatti, profesor de la Universidá de Yale, que más tarde foi rector de la universidá y comisariu de la Major Ligue de Béisbol.[5] La so madre, Toni Marilyn (Smith; apellíu de soltera), yera ama de casa y profesora d'inglés, primeramente tamién actuara.[6][7] La so madre yera d'ascendencia irlandesa;[8] y el so güelu paternu, Valentine Giamatti, yera d'ascendencia italiana, con ancestros de Telese Terme; y la so güela paterna, Mary Claybaugh Walton, yera d'una familia de Nueva Inglaterra.[9]
Giamatti ye'l menor de tres hermanos. El so hermanu, Marcus, tamién ye actor, y la so hermana, Elena, ye diseñadora de xoyes. Asistió a la primaria Foote School y graduóse en Choate Rosemary Hall en 1985. Depués asistió a la Universidá Yale, onde formó parte de la sociedá secreta "Skull & Bones", y estudió actuación xunto colos actores Ron Livingston y Edward Norton, que tamién estudiaben en Yale. En 1989 graduóse en Yale con un títulu en filoloxía inglesa. Más tarde consiguió un grau del Yale School of Drama, onde estudió actuación con Earle R. Gister. Trabayó en delles producciones teatrales (incluyendo en Broadway) enantes d'apaecer en televisión y cine a principios de 1990.
Carrera cinematográfica
[editar | editar la fonte]Enantes d'empezar la so carrera como actor de cine, Giamatti actuó en numberoses representaciones teatrales, ente elles, dalgunes en Broadway. Coles mesmes interpretó pequeños papeles en televisión y nel cine a principios de los años 1990 (camareru en My Best Friend's Wedding).
El primer papel de relevancia algamólu na película Private Parts. De siguío, mientres l'añu 1998, tamién como actor secundariu, apaeció en The Truman Show, Saving Private Ryan y The Negotiator. En 1999 apaeció en Man on the Moon. Giamatti siguió actuando en superproducciones como Big Momma's House (2000) y nel remake Planet of the Apes (2001), amás de coprotagonizar Big Fat Liar (2002) y Paycheck (2003). Tamién participó n'otru tipu de proyeutos, como na cinta Sideways (2004) y American Splendor (2003).
En 2006 protagonizó la película de M. Night Shyamalan Lady in the Water, y participó na película d'animación The Ant Bully, amás d'actuar en L'Illusionniste, xunto a Edward Norton. Tamién interpretó al antagonista de Shoot 'Em Up (2007), xunto a Clive Owen y Monica Bellucci. En 2011 apaeció en The Hangover Part II, nel papel de Kingsley.
Giamatti comentó que davezu interpreta a personaxes xudíos, pero que casi nunca-y ufierten personaxes ítaloestauxunidenses.[5]
En 2013 participó nel capítulu especial de Navidá de la serie Downton Abbey, nel papel de Harold Levinson, fíu del personaxe interpretáu por Shirley MacLain, Martha Levinson.
En 2014 interpretó al antagonista Rhino en The Amazing Spider-Man 2.
Vida privada
[editar | editar la fonte]En 1997 Giamatti casóse con Elizabeth Cohen, cola que vive en Brooklyn, Nueva York. Tienen un fíu, Samuel Paul (nacíu en 2001), que foi criáu como xudíu, la relixón de la so madre. Giamatti ye atéu.[10]
Filmografía
[editar | editar la fonte]| Añu | Títulu | Rol | Notes |
|---|---|---|---|
| 1991 | Past Midnight | Larry Canipe | |
| 1992 | Singles | Besador | |
| 1995 | Mighty Aphrodite | Investigador de l'Asociación d'Estres | |
| Sabrina | Scott | ||
| 1996 | Breathing Room | George | |
| Before and After | Miembru del xuráu | Ensin acreitar | |
| 1997 | Arresting Gena | Detective Wilson | |
| Donnie Brasco | Téunicu del FBI | ||
| Private Parts | Kenny "Vultura de gochu" Rushton | ||
| My Best Friend's Wedding | Richard el porteru | ||
| Deconstructing Harry | Profesor Abbot | ||
| A Further Gesture | Emplegáu del hotel | ||
| 1998 | The Truman Show | Direutor de l'habitación de control | |
| Dr. Dolittle | Blaine | ||
| Saving Private Ryan | Sarxentu Hill | ||
| Safe Men | Veal Chop | ||
| 1999 | Cradle Will Rock | Carlo | |
| Man on the Moon | Bob Zmuda/Tony Clifton | ||
| The Negotiator | Rudy Timmons | ||
| 2000 | If These Walls Could Talk 2 | Ted Hedley | Segmentu: "1961" |
| Big Momma's House | John Maxwell | ||
| 2001 | Duets | Todd Woods | |
| Storytelling | Toby Oxman | Segmentu: "Non-Fiction" | |
| Planet of the Apes | Limbo | ||
| 2002 | Big Fat Liar | Marty Wolf | |
| Thunderpants | Johnson J. Johnson | ||
| 2003 | American Splendor | Harvey Pekar | |
| Paycheck | Shorty | ||
| Confidence | Gordu | ||
| 2004 | Sideways | Miles Raymond | |
| 2005 | Robots | Tim the Gate Guard | Voz |
| The Fan and the Flower | Narrador | Voz Curtiumetraxe | |
| Cinderella Man | Joe Gould | ||
| 2006 | Asterix and the Vikings | Asterix | Doblaxe al inglés |
| The Hawk Is Dying | George Gattling | ||
| L'Illusionniste | Inspector Uhl | ||
| Lady in the Water | Cleveland Heep | ||
| The Ant Bully | Stan Beals | Voz | |
| 2007 | The Nanny Diaries | Mr. X | |
| Shoot 'Em Up | Karl Hertz | ||
| Fred Claus | Nicholas "Nick" Claus | ||
| 2008 | Pretty Bird | Rick | Tamién productor |
| 2009 | Duplicity | Richard "Dick" Garsik | |
| Cold Souls | Paul | ||
| The Haunted World of El Superbeasto | Dr. Satan | Voz | |
| The Last Station | Vladimir Chertkov | ||
| 2010 | Barney's Version | Barney Panofsky | |
| 2011 | Win Win | Mike Flaherty | |
| Ironclad | Rey John | ||
| The Hangover: Part II | Kingsley | ||
| The Ides of March | Tom Duffy | ||
| 2012 | Rock of Ages | Paul Gill | |
| Cosmopolis | Benno Levin | ||
| John Dies at the End | Arnie Blondestone | Tamién productor | |
| 2013 | |||
| Turbo | Chet | ||
| The Congress' | Dr. Baker | ||
| Romeo and Juliet | Friar Laurence | ||
| Parkland | Abraham Zapruder | ||
| 12 Years a Slave | Theophilus Freeman | ||
| All Is Bright | Dennis | Tamién productor | |
| Saving Mr. Banks | Ralph | ||
| 2014 | Ernest & Celestine | TBA | Doblaxe al inglés |
| The Amazing Spider-Man 2 | Rhino (cómic) | Rhino | |
| Love and Mercy | Dr. Eugene Landy | Post-Producción | |
| Madame Bovary | Monsieur Homais | Filmando | |
| The Little Prince | TBA | Voz En desenvolvimientu | |
| TBA | The Goon | Frankie | Voz Pre-Producción[11] |
| 2015 | Straight Outta Compton | ||
| San Andreas | Prof. Lawrence Hayes |
Premios y nomamientos
[editar | editar la fonte]| Añu | Categoría | Película | Resultáu |
|---|---|---|---|
| 2004 | Meyor actor de repartu | Cinderella Man | Candidatu |
| Añu | Categoría | Película | Resultáu |
|---|---|---|---|
| 2011 | Meyor actor - Comedia o musical | Barney's Version | Ganador |
| 2009 | Meyor actor - Miniserie o telefilme | John Adams | Ganador |
| 2006 | Meyor actor de repartu | Cinderella Man | Candidatu |
| 2005 | Meyor actor - Comedia o musical | Sideways | Candidatu |
| Añu | Categoría | Película | Resultáu |
|---|---|---|---|
| 2012 | Meyor actor de televisión - Miniserie o telefilme | Too Big To Fail | Ganador |
| 2008 | Meyor actor de televisión - Miniserie o telefilme | John Adams | Ganador |
| 2005 | Meyor actor de repartu | Cinderella Man | Ganador |
| 2004 | Meyor repartu | Sideways | Ganador |
| 2004 | Meyor actor | Sideways | Candidatu |
| Añu | Categoría | Película | Resultáu |
|---|---|---|---|
| 2004 | Meyor actor | Sideways | Ganador |
Referencies
[editar | editar la fonte]- ↑ Afirmao en: Gemeinsame Normdatei. Data de consulta: 27 abril 2014. Llingua de la obra o nome: alemán. Autor: Biblioteca Nacional d'Alemaña.
- ↑ CONOR.SI ID: 15501923. Afirmao en: CONOR.SI.
- ↑ «Golden Globes 2024 Complete Winners List: ‘Oppenheimer’ Leads With Five Wins, ‘Succession’ Tops TV With Four» (inglés) (8 xineru 2024). Consultáu'l 8 xineru 2024.
- ↑ «96TH OSCARS® NOMINATIONS ANNOUNCED | Academy Press Office» (inglés) (23 xineru 2024). Consultáu'l 22 xunetu 2024.
- 1 2 Gross, Terry (13 de febreru de 2004). Actor Paul Giamatti. NPR. http://www.npr.org/templates/story/story.php?storyId=1674650. Consultáu'l 31 de mayu de 2007.
- ↑ Pringle, Gill (27 de payares de 2007). Paul Giamatti: Mr Potato face. Londres: The Independent. Archiváu dende l'orixinal el 2007-11-28. https://web.archive.org/web/20071128073052/http://arts.independent.co.uk/film/features/article3199367.ece. Consultáu'l 27 de payares de 2007.
- ↑ «Paul Giamatti». The New York Times. 19 de xunu de 1960. http://select.nytimes.com/gst/abstract.html?res=F00B15F738551A7A93CBA8178DD85F448685F9. Consultáu'l 22 de mayu de 2010.
- ↑ Entrevista en http://www.sundayherald.com/57083 Archiváu 2006-08-11 en Wayback Machine
- ↑ Reston, James (1997). Collision at Home Plate: The Lives of Pete Rose and Bart Giamatti. Nebraska: O of Nebraska Press, páx. 15–16. ISBN 0803289642.
- ↑ http://www.totalfilm.com/features/i-never-saw-russell-lose-it-on-set
- ↑ Kickstarter campaign for the independent animated film adaption of The Goon
Enllaces esternos
[editar | editar la fonte]- Paul Giamatti na Internet Movie Database (n'inglés)
- Paul Giamatti na Internet Broadway Database (n'inglés)
- Paul Giamatti n'Internet Off-Broadway Database (inglés)
- Artículu sobre Giamatti en The Guardian (2009) (n'inglés)
- Ficha de Giamatti en El Criticón Archiváu 2015-03-07 en Wayback Machine (en castellán)
| Control d'autoridaes |
|
|---|
Datos: Q208649
Multimedia: Paul Giamatti