Papa Fabián

De Wikipedia
Saltar a navegación Saltar a la gueta
Papa Fabián
Saint Fabian1.jpg
20. Papa

10 xineru 236 - 20 xineru 250 (Gregorianu)
Papa Anteru - Papa Corneyu
Vida
Nacimientu Roma200 [[(Gregorianu)]]
Fallecimientu

Roma20  de xineru de 250

(49/50 años)
Sepultura basílica de San Sebastián de las Catacumbas Traducir
basílica de San Pedru
Causa de la muerte Decapitación
Oficiu
Oficiu clérigu y sacerdote católicu
Llugares de trabayu Roma
Santoral
20 de xineru
Creencies
Relixón Cristianismu
Cambiar los datos en Wikidata

Fabián (Roma, ca. 200 - Roma, 20 de xineru de 250) foi'l ventenu papa de la Ilesia católica, exerciendo ente los años 236 y 250.

Elexíu papa cuando les persecuciones que escontra los cristianos habentamara l'emperador Deciu, les estraordinaries circunstancies de la mesma fueron relataes pol historiador Eusebiu de Cesarea que nel tomu sestu de la so obra Historia de la Ilesia relata cómo tando aconceyaos los eleutores pa escoyer al socesor del papa Anteru, una palomba se posó sobre Fabián, un campesín laicu que s'atopaba en Roma accidentalmente y como simple espectador. El pueblu tomó esto como una señal milagrosa de Dios qu'escoyía a Fabián como'l so candidatu y darréu procedieron a ordenalu sacerdote y obispu.

Por mor del crecimientu de Roma dixebró la ciudá en siete distritos poniendo a cargu de cada unu d'ellos a un diáconu pal so gobiernu y administración. Consagró a varios obispos, ente ellos a San Dionisiu de París al qu'unvió a misionar les Galies, y según la tradición, Fabián instituyó les cuatro órdenes menores. Estableció que tolos años el Xueves Santu fuere renováu'l Santu Crisma y que se quemara'l del añu anterior. Tamién reguló que'l Santu Crisma habría preparase con aceite mecío con bálsamu.

San Fabián morrió mártir el 20 de xineru de 250, baxo la persecución de Deciu y foi enterráu na catacumba de San Calistu, descubriéndose'l so sarcófagu nel añu 1915 al llograr traducir l'epitafiu: Fabián, obispu y mártir[1]

La so festividá tien llugar el día 20 de xineru xunto con San Sebastián, lo que podría dar a entender que fueron una parexa de mártires que morrieron a la vez, pero nun ye asina[2]. San Fabián ye patrón de Pinullán (Pravia).

Referencies[editar | editar la fonte]

  1. San Fabian, papa y mártir (consultao'l 22.01.2014)
  2. San Fabian, papa y mártir (consultao'l 21.01.2014)

Enllaces esternos[editar | editar la fonte]


Predecesor:
San Anteru
Emblem of the Papacy SE.svg
Papa

236 - 250
Socesor:
San Corneyu