Partíu de los Socialistes de Galicia

De Wikipedia
(Redirixío dende PSdeG)
Saltar a navegación Saltar a la gueta
29-08-2019 14:28
Partíu de los Socialistes de Galicia
Presidente Pachi Vázquez
Fundación 1879
Sede Santiago de Compostela
Estáu Bandera d'España España
Afiliaos 27 551 (2006)
Ideoloxía política Socialdemocracia
Páxina web www.psdeg-psoe.org
Cambiar los datos en Wikidata

El Partíu de los Socialistes de Galicia-PSOE (PSdeG-PSOE; en gallegu: Partido dos Socialistas de Galicia) ye la federación del Partíu Socialista Obreru Español en Galicia. D'ideoloxía galleguista y socialdemócrata, cuenta con 927 conceyales, les alcaldíes de 5 de les 7 principales ciudaes gallegues (Vigo, A Coruña, Lugo, Santiago y Ferrol), diputaos provinciales, les presidencies de les diputaciones provinciales d'A Coruña, Pontevedra y Lugo, 14 diputaos nel parllamentu de Galicia, 10 nel Congresu de los Diputaos y 8 senadores. Según datos publicaos el 6 de marzu de 2006 cuenta con 27.551 afiliaos, d'ellos 19.307 activos.

El so secretariu xeneral foi, hasta'l 4 de marzu de 2009, Emilio Pérez Touriño, que lideraba'l partíu dende 1998, y foi candidatu dende 2001 a la presidencia de la Xunta de Galicia. Nes eleiciones autonómiques de 2005, el PSdeG-PSOE algamó 25 parllamentarios. En diches eleiciones, el Partíu Popular perdió la mayoría absoluta con que gobernaba Galicia dende los años noventa. Por aciu un pactu del PSdeG-PSOE colos nacionalistes gallegos del Bloque Nacionalista Galego, Touriño llegó a la presidencia de la Xunta de Galicia (xunetu de 2005). Tres cuatro años de presidencia, nes eleiciones de marzu de 2009 el PSdeG-PSOE perdió la posibilidá de reeditar gobiernu al llograr el Partíu Popular de Galicia la mayoría absoluta, perdiendo un escañu pola provincia d'A Coruña (el partíu llogró 524.488 votos, 31,54%).[1] Tres esta derrota, el secretariu xeneral, Emilio Pérez Touriño, presentó la so dimisión. El 4 de marzu de 2009 constituyóse una xestora presidida por Ricardo Varela Sánchez, (Vicesecretariu Xeneral hasta esi momentu) que tenía de llevar el partíu hasta'l congresu estraordinariu previstu para'l 25 d'abril d'esi añu.[2] El secretariu xeneral del partíu n'Ourense, Pachi Vázquez, perfilóse como'l candidatu con más posibilidaes para aportar a la Secretaría Xeneral nel Congresu Estraordinariu. Finalmente, el 25 d'abril de 2009 Manuel "Pachi" Vázquez foi escoyíu Secretariu Xeneral col 90% de los votos.

Tres la derrota del PSdeG nes eleiciones gallegues del 21 d'ochobre de 2012, hubo unes eleiciones primaries consultives el 7 de setiembre de 2013, nes que se presentaron José Ramón Gómez Besteiro y l'alcalde d'A Illa de Arousa, Manel Vázquez.[3] Finalmente José Ramón Gómez Besteiro alzóse como vencedor de la consulta al llograr el 77% de los votos,[4] siendo ratificáu'l so nomamientu nun congresu estraordinariu celebráu'l 29 de setiembre de 2013. Col 95% de los votos foi proclamáu nuevu secretariu xeneral del PSdeG-PSOE.[5]

Les mocedaes del PSdeG-PSOE nómense Xuventudes Socialistes de Galicia (XSG).

Referencies[editar | editar la fonte]

  1. Resultaos definitivos de les eleiciones al Parllamentu de Galicia de 2009 nel Diariu Oficial de Galicia, nu 60 del 27 de marzu de 2009
  2. . Europa Press (4 de marzu de 2009).
  3. «Besteiro y Manel Vázquez luchan por liderar el PSdeG en las primeras primarias» (castellán) (17 d'avientu de 2013). Consultáu'l 29 d'agostu de 2019.
  4. «Gómez Besteiro, nuevo secretario general del PSdG» (castellán) (8 de setiembre de 2013). Consultáu'l 29 d'agostu de 2019.
  5. «Gómez Besteiro toma el mando del PSdeG pidiendo un partido «sen fisuras»» (castellán) (29 de setiembre de 2013). Consultáu'l 29 d'agostu de 2019.

Enllaces esternos[editar | editar la fonte]