Parllamentu de Galicia

De Wikipedia
Saltar a navegación Saltar a la gueta
Parllamentu de Galicia
Parlamento de Galicia (gl)
parlamentu autonómicu
Parlamento de Galicia.svg
Parlamento galicia-Praza Publica.jpg
Llocalización
Sede Pazo del Hórreo (es) Traducir
Direición España
Participación empresarial
Formáu por Diputáu nel Parllamentu de Galicia
Web oficial
Cambiar los datos en Wikidata

El Parllamentu de Galicia ye la institución onde mora'l poder llexislativu de la comunidá autónoma de Galicia (España). Como los parllamentos de País Vascu, Cataluña y Andalucía, el Parllamentu de Galicia foi constituyíu tres les primeres eleiciones autonómiques, celebraes en 1981, a partir de la redaición del Estatutu d'Autonomía pol procedimientu marcáu nel artículu 151.2 de la Constitución, polos miembros de les Cortes Xenerales escoyíos nes provincies correspondientes na primer llexislatura de la monarquía, presidida por Adolfo Suárez.

La primer sesión constitutiva del Parllamentu de Galicia tuvo llugar el 19 d'avientu de 1981 (I Llexislatura) nel Palaciu de Gelmírez, una vegada celebraes les primeres eleiciones autonómiques de la nuesa hestoria, el 20 d'ochobre de 1981.

Primeramente, el 18 de mayu de 1981, entrara a valir l'Estatutu d'Autonomía de Galicia, aprobáu nel referendu celebráu'l 21 d'avientu de 1980.

Sede[editar | editar la fonte]

Fachada del edificiu sede del parllamentu.
Artículu principal: Palaciu del Horru

El Parllamentu de Galicia tien la so sede nel Palaciu del Horru, en Santiago de Compostela, dende l'añu 1989. Primeramente, ocupara dos sedes provisionales (los palacios de Gelmírez y de Fonseca, dambos en Santiago). L'edificiu foi construyíu a principios del sieglu XX p'allugar una Escuela de Veterinaria.

El Palaciu del Horru cuenta con toles dotaciones necesaries pa que los diputaos y diputaes puean facer el so trabayu: salón de plenos, sales de comisiones, de prensa y otres dependencies d'usu polivalente, tanto pa les xuntes de calter internu como pa l'actividá pública y alcuentros con coleutivos. Un completu equipamientu tecnolóxicu dexa ufiertar en directu, al traviés de la web, les sesiones del Plenu y de les comisiones.

El Parllamentu alluga tamién una variada y pervalible coleición d'arte gallego contemporaneu, pintura y escultura, fundamentalmente, y cuenta con una nutrida biblioteca.

Composición[editar | editar la fonte]

Parlamento de Galicia.svg
Grupos Parlamentarios del Parllamentu de Galicia (X llexislatura)
Nome Partíos Voceru Escaños
GP Popular Logo PP Galicia 2019.png PPdeG Pedro Puy Fraga 41
GP dos Socialistas de Galicia PSdeG Logo.jpg PSdeG-PSOE Xoaquín María Fernández Leiceaga 14
GP Grupo Común da Esquerda En Común: 9
Logo de ANOVA-Irmandade Nacionalista.svg Anova: 1
José Manuel Lago Peñas 10
GP del BNG BNG logo.svg BNG Ana Belén Pontón Mondelo 6
GP Mestu En Marea Logo (political party).png En Marea Luís Villares Naveira 4

Ver tamién[editar | editar la fonte]

Enllaces esternos[editar | editar la fonte]

Referencies[editar | editar la fonte]