Orión (mitoloxía)

De Wikipedia
Saltar a navegación Saltar a la gueta
Orión (mitoloxía)
Uranometria orion.jpg
Información
Sexu masculín
Cónxugue Side (en) Traducir
Fíos Menippe (en) Traducir y Metioche (en) Traducir
[editar datos en Wikidata]

Orión ye un xigante de la mitoloxía griega, fíu de Poseidón y d'Eurial.

Yera'l meyor cazador d'ente los dioses y el so pá dió-y el poder de caminar sobre les agües de la mar. Diz la lleenda qu'Enopión rei de Chíos encargo-y matar a les besties qu'invadíen el so reinu, tres facer l'encargu namoróse de la fía d'aquel, Merope. Pero'l rei nun quería tal casoriu y emborrachólu, sacó-y los güeyos y dexólu al debalu na vera la mar. Entóncenes pidió aida a un neñu pa que-y indicara au nacía'l sol, viaxó con él hasta que lo atopó y gracies a eso retornó a ver. Cuando tornó Enopión fuxera a una gruta, na so busca pisó, ensin querer, a un pequeñu allacrán que, col so velenu, matólu. Entós Zeus, apiadáu del xigante, convirtiólu na constelación d'Orión.

Yera tan amáu esti xigante ente los dioses y tan reconocíu'l so valir como cazador que nel so honor, non sólo xubieron-y a él a los cielos sinón tamién a los sos dos perros favoritos como les constelaciones de Canis Maior y Canis Minor xunto a una llebre (Lepus) pa siguir cazando. N'honor de la fuercia de los más pequeños escontra los más grandes, y como una alcordanza pa toos, los dioses ficieron que l'allacrán tuviera nos cielos como la constelación d'Escuripión.

Na posición qu'ocupa nel cielu contina la hestoria xunta los sos perros y a la llebre, ta nel llau opuestu d'Escuripión y sigue a Merope y a les sos hermanes les Pléyades.

Ver tamién[editar | editar la fonte]

Referencies[editar | editar la fonte]

Enllaces esternos[editar | editar la fonte]