Nintendo 3DS

De Wikipedia
Saltar a navegación Saltar a la gueta

Nintendo 3DS (ニンテンドー3DS Nintendō Surī Dī Esu?) ye una videoconsola portátil de la multinacional d'orixe xaponés, Nintendo, pa videoxuegos y multimedia, que la so atraición principal ye poder amosar gráficos en 3D ensin necesidá de gafes especiales, gracies a l'autoestereoscopia. La consola ye retrocompatible cola Nintendo DS y col software de DSiWare. Tres habese anunciáu en 2010, Nintendo presentó oficialmente la Nintendo 3DS nel E3 2010, llevando consoles de prueba pa los asistentes al eventu. La consola ye la socesora de la serie portátil Nintendo DS y compite principalmente col so únicu rival, la PlayStation Vita de Sony.

Nintendo 3DS foi llanzada'l 26 de febreru de 2011 n'Europa'l 25 de marzu de 2011; en Norte América'l 27 Xapón de marzu de 2011; y n'Australia'l 31 de marzu de 2011. El 28 de xunetu de 2011, Nintendo anunció una baxada drástica de preciu que sería efectiva dende'l 12 d'agostu. Como compensación, los compradores que adquirieron la consola enantes de la baxada de preciu recibiríen gratuitamente diez xuegos de Nintendo Entertainment System dende'l 1 de setiembre de 2011 y otros 10 de Game Boy Advance dende'l 16 d'avientu, descargables dende la Nintendo eShop.

El día 28 d'agostu del añu 2013 Nintendo anunció'l futuru llanzamientu d'una revisión de 3DS llamada 2DS pa tolos territorios exceptuando Xapón.