Neta Bahcall
Neta Bahcall | |
|---|---|
 | |
| Vida | |
| Nacimientu | Israel, 1942 (81/82 años) |
| Nacionalidá |
 Estaos Xuníos |
| Estudios | |
| Estudios | Universidá de Tel Aviv 1996) Philosophiæ doctor |
| Oficiu | astrónoma |
| Miembru de |
Academia Nacional de Ciencies de los Estaos Xuníos[1] Academia de les Artes y les Ciencies d'Estaos Xuníos Xunión Astronómica Internacional |
 | |
Neta A. Bahcall (1942, Israel) ye una astrofísica y cosmóloga israelina que s'especializa en materia escuro, la estructura del universu, quásares, y la formación de galaxia. Ella ye profesora Eugene Higgins d'Astronomía en Universidá de Princeton.
Educación[editar | editar la fonte]
Bahcall recibió un B.S. en Física y Matemátiques na Universidá Hebrea n'Israel en 1963. En 1965, llogró la so maestría en Física nel Instituto Weizmann de Ciencia n'Israel. En 1970, Bahcall recibió'l so Ph.D. n'Astrofísica na Universidá de Tel Aviv n'Israel.[2]
Carrera[editar | editar la fonte]
De 1970 a 1971, Bahcall yera socia d'investigación en Física nel Institutu de California de Teunoloxía. El mesmu añu que recibió'l so Ph.D., empezó a trabayar en Universidá de Princeton, onde foi profesora d'Astrofísica de tiempu completu dende 1989. Ente 1971 y 1983, foi asistente d'una investigación d'Astrofísica d'altu nivel. De 1983 a 1989, foi la xefa de la Caña de Soporte del Observador Xeneral y la xefa de la Oficina de Seleición del Programa de Ciencia nel Institutu de Ciencia del Telescopiu Espacial, onde escoyó qué programes de ciencia tendríen accesu al Hubble. Bahcall tamién yera la direutora del Conseyu de Ciencia y Teunoloxía de Princeton del 2000 al 2008.[2]
Al traviés del usu del Telescopiu espacial Hubble, ella foi capaz d'asignar l'allugamientu y l'estructura de delles galaxes. Una de los sos más importantes contribuciones nel campu de l'Astrofísica fueron los sos cálculos de la masa del universu. Collaboró col so home astrofísicu, John Bahcall, y xunto con él y munchos otros escribieron centenares d'artículos.
En 1997, Bahcall foi escoyida miembru de l'Academia Nacional de Ciencies. Foi conferenciante pa les numberoses organizaciones, incluyendo'l Nobel Simposio n'Estocolmu en 1998. Bahcall foi miembru dende hai enforma tiempu y la vicepresidenta de la Sociedá Astronómica Estauxunidense de 1995 a 1998. Ella Tamién foi miembru de: el Comité Nacional Asesor d'Astronomía y Astrofísica (2003–presente), el Conseyu del Institutu del Telescopiu Espacial de los EE.XX. (1993–1997), el Comité Nacional pa la UAI (1998–2004), nel Comité Científicu Asesor del Sloan Sloan Digital Sky Survey (1990–1995), l'Institutu Americanu de Física nel Comité de Rellaciones Internacionales (1990–1993), y foi la presidenta del Comité de AAS na Situación de la Muyer na Astronomía (1983). Bahcall recibió un doctoráu honorariu de la Universidá Estatal d'Ohio en 2006. Los sos trés fíos llograron doctoraos nes ciencies.[2]
Puntos de vista relixosos[editar | editar la fonte]
Cuando se-y preguntar alrodiu de los sos puntos de vista relixosos y la creencia en Dios, Bahcall declaró: "Yo nun soi bien relixosa, pero soi bien xudía... combino la ciencia que faigo cola entruga de relixón sobre Dios nel sentíu de que toles lleis de la Física que rixen l'Universu y l'enorme cantidá de guapura nel Universu representen la conexón con Dios".[3]
Reconocencies y premios[editar | editar la fonte]
- El premiu de Cecilia Payne-Gasposkin, Universidá de Harvard (2013)
- Cátedra d'Investigación Distinguida, Institutu de Perimeter pa Física Teórica, Ontario, Canadá (2009 -2013)
- Grau Honorariu, Doctora en Ciencies, Universidá Estatal d'Ohio (2006)
- Miembru de l'Academia Nacional de Ciencies, EE.XX. (escoyida 1997)
Publicaciones Escoyíes[editar | editar la fonte]
- Neta A. Bahcall, Jeremiah P. Ostriker, Saul Perlmutter and Paul J. Steinhardt (1999). «The Cosmic Triangle: Revealing the State of the Universe». Science 284: páxs. 1481-1488. doi:. http://www.physics.princeton.edu/~steinh/cosmictriangle.pdf.
- Bahcall, N. A; Cen, R. (1992), "Los cúmulos de Galaxes y la fría materia escuro. ¿Un Universu imparcial de baxa densidá?"«Galaxy clusters and cold dark matter-A low-density unbiased universe?», The Astrophysical Journal Letters 398, doi:, Bibcode: 1992ApJ...398L..81B, Bibcode:1992ApJ...398L..81B, doi:10.1086/186582
- Bahcall, N.A; Cen, R. (1993), "La Función de Masa de los Cúmulos de Galaxes", «The Mass Function of Clusters of Galaxies», The Astrophysical Journal 407, doi:, Bibcode: 1993ApJ...407L..49B
Referencies[editar | editar la fonte]
- ↑ URL de la referencia: http://www.nasonline.org/member-directory/members/891747.html. Data de consulta: 22 marzu 2018.
- ↑ 2,0 2,1 2,2 (2011) «Bahcall, Neta», American Women of Science since 1900, Vol. 1.. Santu Barbara, CA: ABC-CLIO, páx. 210–212.
- ↑ Ciencia franca V: Conversaciones con Científicos Famosos.
Enllaces esternos[editar | editar la fonte]
