Materia escuro

De Wikipedia
Saltar a: navegación, buscar
Una imaxen ensamada del cluster galacticu CL0024+17 tomada pol Hubble amuesa la criación d'un efeutu de lente gravitacional productu de la interaición gravitatoria de la materia escuro.

N'astrofísica y cosmoloxía denómase materia escuro a la materia hipotética de composición desconocía, que nun irradia o reflexa suficiente radiación electromagnética pa ser adicada direutamente colos medios téunicos autuales, pero la so esitencia pue albidrase a partir de los efeutos gravitacionales que causen na materia allupable tales como les estrelles o les galaxes, asina como nes anisotropíes del fondu cósmicu de microondes. Nun hai de trafulcar la materia escuro cola enerxía escuro.

Descubrimientu de la materia escuro[editar | editar la fonte]

La hipótesis de la esistencia de la materia escuro plategose por primera vegada pol astrofísicu suizu Fritz Zwicky. En 1933 Zwicky estimó la masa de galaxes en cúmulos (sofitándose nel númberu d'estrelles y el so rellumu) y midió les velocidaes a les que se movíen les galaxes. La masa calculada teniendo en cuentes les velocidaes de les galaxes yera enforma superior a la estimada considerando namái les estrelles. Esto ye lo que se conoz como'l "problema de la masa perdío". Sofitándose nestes conclusiones, Zwicky propunxo que tenía d'haber dalguna otra mena de materia esistente na galaxa que nun yera columbrable nin deteutable, y que-y apurría al conxuntu suficiente masa y gravedá pa caltener xunida la galaxa.

Dende esi intre, entamó la gueta pola fonte d'esa atraición gravitatoria. Anguaño, la densidá del Universu (ensin cuntar la materia escuro), tá estimada n'alrodiu d'un átomu d'Hidróxenu por metru cúbicu d'espaciu vacíu. Esto nun ye densidá suficiente pa que'l universu allúi o afare sobro sí mesmu. Camiéntase que la materia escuro representa el 90-95 por cientu de tola materia nel Universu. Esto significa que namái el 5-10% de tola materia ye adicable.

Enllaces rellacionaos[editar | editar la fonte]