Saltar al conteníu

Mustelus canis

De Wikipedia
Mustelus canis
Estáu de caltenimientu
Cuasi amenazáu (NT)
Cuasi amenazáu (IUCN 3.1)
Clasificación científica
Reinu: Animalia
División: Chordata
Clas: Chondrichthyes
Orde: Carcharhiniformes
Familia: Triakidae
Xéneru: Mustelus
Especie: M. canis
(Mitchill, 1815)
Distribución
Consultes
[editar datos en Wikidata]

Mustelus canis ye una especie de tiburón de la familia Triakidae. Ye de color gris oliva o marrón, y puede presentar tonos mariellos o blancos abuxaos. Les femes lleguen a vivir dieciseyes años y los machos, diez. Esta musola foi'l primer tiburón nel que se diagnosticó una infeición viral.[1]

Tamañu y crecedera[editar | editar la fonte]

El llargor de Mustelus canis algama los 1,5 m, y el so pesu máximu ye de 12 kg. Llega a estes dimensiones máximes a los siete o ocho años d'edá. El tamañu permediu d'esti tiburón ye d'aproximao 1,2 m. Esta especie medra rápido, pos los machos algamen el maduror a los dos o tres años d'edá, y les femes, a los cuatro o cinco.

Hábitat[editar | editar la fonte]

Habita con frecuencia en badees y otres zones cercanes a la mariña, y prefier agües poco fondes de menos de 18 m de fondura, pero puede atopase a fondures de 200 m. Esta especie tamién se tien visto n'agua duce anque ye poco probable que sobreviva neses estayes por periodos prolongaos de tiempu. Mustelus canis emigra según la temporada, pos mueve al norte na primavera y al sur na seronda. Ye una especie predominantemente nocherniega.

Alimentación[editar | editar la fonte]

Mustelus canis ye un depredador carroñeru y comenenciosu que s'alimenta principalmente de grandes crustáceos, incluyendo llagostes, camarones y cámbaros, y pexes  pequeños y moluscos. Dalgunos de los pexes pequeños que son cazaos por Mustelus canis inclúin a la llacha y a la tautoga. Los exemplares nuevos aliméntense de pequeños cábaros, xagorra y cámbaros.

Reproducción[editar | editar la fonte]

El apareamientu asocede en práuticamente tol so rangu de distribución de mayu a xunetu. Dempués d'un periodu de xestación que varía de los diez a los once meses, la madre da a lluz a una camada que va de los cuatro a los venti alevinos ente fines de la primavera y principios del branu. Les femes de mayor tamañu tienden a tener más críes.

Rellación colos seres humanos[editar | editar la fonte]

En ciertes árees, la carne de Mustelus canis comercialízase fresco o en salazón pal consumu humanu. Tamién se usa con frecuencia como animal de llaboratoriu y pa decorar acuarios.

Referencies[editar | editar la fonte]

  1. L. Leibovitz y S. S. Lebouitz (1985). «A viral dermatitis of the smooth dogfish, Mustelus canis (Mitchill)» (n'inglés). Journal of Fish Diseases 8 (3):  páxs. 273–279. doi:10.1111/j.1365-2761.1985.tb00943.x. 

Enllaces esternos[editar | editar la fonte]