Muséu Xovellanos

De Wikipedia
Saltar a navegación Saltar a la gueta
Muséu Xovellanos
Bien d'Interés Cultural
Gijon - Casa de Jovellanos.jpg
Llocalización
PaísBandera d'España España
AutonomíaFlag of Asturias.svg Principáu d'Asturies
ProvinciaProvincia d'Asturies
ConceyuBandera gijon.svg Xixón
Coordenaes 43°32′45″N 5°39′44″O / 43.54583°N 5.66222°O / 43.54583; -5.66222Coordenaes: 43°32′45″N 5°39′44″O / 43.54583°N 5.66222°O / 43.54583; -5.66222
Muséu Xovellanos is located in Asturies
Muséu Xovellanos
Muséu Xovellanos
Muséu Xovellanos (Asturies)
Historia y usu
Apertura6 agostu 1971
Orixe del nome Gaspar Melchor de Xovellanos
Patrimoniu
BIC RI-51-0004961-00000
Web oficial
Cambiar los datos en Wikidata

El muséu - casa natal de Xovellanos allúgase nuna casa palaciega nel barriu Cimavilla de Xixón n'Asturies.

Edificiu[editar | editar la fonte]

Esta casa-palaciu data de caberos del sieglu XV, perteneciendo de magar entós a la famila de Xovellanos , cuando Xuan García de Xove (1460-1525) constrúi'l primer edificiu. La casa sufre dos reformes, la primera nel sieglu XVI y la cabera en 1758 pol pá de Xovellanos. Esta última ye la que-y da'l so fustaxe d'anguaño. Güei presenta dos torres a los llaos con un edificiu que les xune, tien al empar una capiella (Los Remedios onde ta enterráu Xovellanos) y per delantre ta la plaza denomada «Plaza de Xovellanos».

El día 27 d'avientu de 1983 declaróse Monumentu Histórico-Artísticu.

El muséu[editar | editar la fonte]

Capiella perteneciente al muséu casa natal de Xovellanos.

Abiertu'l 6 d'agostu de 1971, el muséu guarda la coleición artística municipal que se treslladara a esti muséu dende'l so anterior allugamietu nel antiguu Institutu Xovellanos.

L'envís principal del muséu ye, según la so acta de fundación, : «...la ilustración de la sociedá al tresvel de la hestoria y del arte, dende un xeitu rigurosu y científicu que xune a la sensibilidá del encarte polo artístico, oxetivos concretos en documentación, investigación, caltenimientu, educación y espurrimientu de les sos coleiciones»[1].

Por esti motivu'l muséu nun ye sólo una coleición d'obres d'arte sinón que tamién desenrolla otra mena d'obres como son: talleres didáuticos, visites guiyaes, conciertos o conferencies. Amás d'estes actividaes esiste tamién una biblioteca especializada nel insigne ilustráu siendo amás la sede oficial del Foru Xovellanos.

Dientro'l muséu son a vese dos estayes desemeyaes:

  • Les sales dedicaes a esti insigne xixonés nes que s'amuesa la obra y aspeutos de la vida de Xovellanos. La primer representa una salina y la otra'l dormitoriu. Nestes dos habitaciones son a alcontrase oxetos y enseres de la vida cotidiana pertenecientes a Xovellanos.

Dientro de les donaciones feches al muséu destaquen les de:

  • Carmen y Severo Ochoa: contién obres de Salvador Dalí, grabaos de Goya y una coleición de pieces precolombines.
  • Familia Paquet.
  • Nicanor Piñole.
  • Lledó Suárez: consistente n'obres de les escueles flamenques ya inglesa.

Principales obres espuestes[editar | editar la fonte]

El fondu de la coleición cunta con alredor de 650 pieces como pintures, escultures, moblame, semeyes o pieces arqueolóxiques ente otres coses, de toes estes obres merecen atención les siguientes:

Enllaces esternos[editar | editar la fonte]

Referencies[editar | editar la fonte]

  1. http://www.jovellanos.net/frame3.htm