Severo Ochoa

De Wikipedia
Saltar a: navegación, buscar
Severo Ochoa
Madrid - Centro de Biología Molecular Severo Ochoa (CBMSO) 5.JPG
Vida
Nome completu Severo Ochoa de Albornoz
Nacimientu Ḷḷuarca24 de setiembre de 1905
Nacionalidá Bandera d'España España
Bandera de Estaos Xuníos d'América Estaos Xuníos d'América
Grupu étnicu españoles
Fallecimientu

Madrid1 de payares de 1993

(88 años)
Estudios
Estudios Universidad Central
New York University School of Medicine
Nivel d'estudios doctoráu
Direutor de tesis Otto Fritz Meyerhof
Llingües castellán
Profesor/a de Manuel Losada Villasante
Oficiu
Oficiu médicu, profesor universitariu, bioquímicu, investigador y escritor
Empleadores Universidá de Nueva York
Universidad de Washington
Centro de Biología Molecular Severo Ochoa
Premios
Nominaciones
Miembru de Royal Society
Academia Alemana de las Ciencias Naturales Leopoldina
Academia de Ciencias de la Unión Soviética
Akademie der Wissenschaften der DDR
Academia Pontificia de las Ciencias
Academia Estauxunidense de les Artes y les Ciencies
Academia de Ciencias de Rusia
Real Academia Nacional de Medicina
Cambiar los datos en Wikidata

Severo Ochoa de Albornoz (24 de setiembre de 1905Ḷḷuarca - 1 de payares de 1993Madrid), más conocíu como Severo Ochoa, foi un médicu, profesor universitariu, bioquímicu, investigador y escritor asturianu. Galardonáu en 1959 col Premiu Nobel de Medicina, obtuvo la nacionalidá estauxunidense en 1956.

Biografía[editar | editar la fonte]

Estudió'l bachiller nel Institutu malagueñu de Gaona. En 1922 entamó los sos estudios de Medicina na Facultá de Medicina de Madrid. Ellí foi compañeru del futuru Xeneral de la Compañía de Xesús, Pedro Arrupe. Nel segundu año de carrera conoció al profesor de Fisioloxía Juan Negrín, trabayó con él nel llaboratoriu de Fisioloxía de la Residencia de Estudiantes y centróse nel metabolismo enerxéticu, con especial enfotu nes molécules fosforilaes. Durante la so época nel llaboratoriu de la Residencia d'Estudiantes, Ochoa punxo a puntu un métodu pa la determinación de la creatinina.

Formación europea[editar | editar la fonte]

Una vegada finaos los estudios, trabayó en dellos llaboratorios d'Europa (Berlín, Londres, Oxford). Nesta dómina trabayó sobro la química de la contraición muscular, sobro la so primera enzima, la glioxalasa, sobro la glicolisis, y sobro la vitamina B1. Dempués de pasar el branu n'Inglaterra, nel llaboratoriu de Patton, asoleyó el so primer trabayu n'inglés, en 1929, na prestixosa revista Journal of Biological Chemistry. Nesi mesmu añu, doctoróse.

Nel añu 1931 casose con Carmen García Cobián, y el mesmu añu nómenlu profesor ayudante de Negrín, el so principal sofitu énte la Xunta d'Ampliación d'Estudios pa que completare la so formación nel Reinu Xuníu y Alemaña.

Investigación[editar | editar la fonte]

La so investigación foi polifacética, fizo numberoses ya importantes contribuiciones en desemeyaes estayes de la Bioquímica y la bioloxía molecular. L'aportación científica de Severo Ochoa féxose a tres niveles.

  • En primer llugar per aciu de trabayos d'enzimoloxía metabólica col descubrimientu de dos enzimes, la citrato-sintetasa y la piruvato-deshidrogenasa, que permitieron concluyir el conocimientu efeutivo del ciclu de Krebs, y que representa un procesu biolóxicu fundamental nel metabolismu de los seres vivos.

Estudió tamién la fotosíntesis y el metabolismu de los ácidos grasos.

  • En segundu llugar Severo Ochoa fai una riestra de trabayos qu'empobinen a la síntesis del ácidu ribonucleicu, ARN, tres d'el descubrimientu de la enzima polinucleótido-fosforilasa. Esti afayaientu sirvió-y, xunto al so discípulu Arthur Kornberg, el premiu Nobel de Medicina de 1959.
  • En tercer llugar l'aportación científica de Severo Ochoa materialízase nuna riestra de trabayos nos que se desendolquen les idees y los descubrimientos anteriores y que se rellacionen col desciframientu del códigu xenéticu, la biosíntesis intracelular de les proteínes y los aspeutos fundamentales de la bioloxía de los virus.

Nuna ocasión, Ochoa dixo una fras que ye afamada: "L'amor ye la fundición de física y química"

Enllaces esternos[editar | editar la fonte]