Joaquín Vaquero Palacios

Joaquín Vaquero Palacios
Académicu de la Real Academia de Belles Artes de Saint Ferrand	; 10 febreru 1969 - 28 ochobre 1998 ; ← Julio Moisés Fernández de Villasante - Juan Navarro Baldeweg →
Académicu de la Real Academia de Belles Artes de Saint Ferrand
Vida
Nacimientu	Uviéu, 9 de xunu de 1900
Nacionalidá	España
Muerte	Madrid, 28 d'ochobre de 1998 (98 años)
Familia
Fíos/es	Joaquín Vaquero Turcios
Estudios
Estudios	Universidá Politéunica de Madrid
Llingües falaes	castellanu
Oficiu
Oficiu	arquiteutu, pintor
Llugares de trabayu	Italia
Premios	ver Medaya d'Oru de l'Arquiteutura ; Hijo Predilecto de Oviedo (21 mayu 1996) ;
Miembru de	Real Academia de Belles Artes de San Fernando

Joaquín Vaquero Palacios (9 de xunu de 1900, Uviéu – 28 d'ochobre de 1998, Madrid) foi un arquiteutu y pintor asturianu. El so fíu, Joaquín Vaquero Turcios, tamién foi artista (pintor, escultor y arquiteutu).

Biografía

Pasa la so mocedá n'Uviéu, onde vivía na cai Paraíso. Acaba el bachilleratu y darréu treslládase a Madrid pa ingresar en 1921 na Escuela d'Arquiteutura de Madrid, y enantes de terminar la carrera fai delles esposiciones n'indidivuales en París y Nueva York. Una vez convertíu n'arquiteutu incorpórase al estudiu que'l so cuñáu, Francisco Casariego, tien n'Uviéu.

Durante un tiempu (1950 - 1965) vive en Roma trabayando na Academia Española de Belles Artes, de la que llega a ser direutor, nesti tiempu dedícase dafechu a la pintura. En 1969 nómenlu miembru de la Real Academia de Belles Artes de San Fernando.

Como pintor, los temes que más-y prestaben yeren el paisaxe y l'arquiteutura de los pueblos de Castiella y Asturies, asina como l'arquiteutura de les ruines romanes, les pirámides d'Exiptu o los poblaos de los indios americanos. Cuando pintaba figures humanes, éstes taben integraes na grandiosidá del paisaxe. El cielu, la tierra y el mar teníen una importancia grande na so obra.

Obres

Ente los sos proyeutos arquiteutónicos podemos indicar los siguientes:

Uviéu

Institutu Nacional de Previsión
Sede de la empresa Hidrocantábrico
Colexu Mayor América
Fábrica de Gas

Grandas de Salime

Presa y Central de Grandas de Salime

Proaza

Central hidroeléctrica de Proaza o saltu de Proaza.

Santiago de Compostela

Mercáu d'abastos

Venecia

Pabellón Español na Biañal de Venecia de 1952

Pintures

1925, Entierro en Madrid. Oleu sobro cartón, 46 x 38 cm
1930, El Campillin. Oleu sobro llenzu, 81 x 65 cm
1940, Playa de Zarauz
1940, Surcos. Oleu sobro llenzu, 65 x 81 cm
ca. 1942, Antillanas. Oleu sobro llenzu, 100 x 80 cm

Premios y reconocimientos

Primera Medaya d'Arquiteutura de la Esposición Nacional (1930)
Primera Medaya de Belles Artes na Esposición Nacional (1952)
Medaya d'Oru de l'Arquiteutura (1996)
Académicu de númberu de la Real Academia de Belles Artes de San Fernando de Madrid

Referencies

↑ Afirmao en: RKDartists. RKDartists ID: 79433. Data de consulta: 22 agostu 2017. Llingua de la obra o nome: neerlandés.
↑ Afirmao en: Diccionario biográfico español. Spanish Biographical Dictionary ID: 4949/joaquin-vaquero-palacios. Apaez como: Joaquín Vaquero Palacios. Data de consulta: 9 ochobre 2017. Autor: dellos autores. Editorial: Real Academia de la Historia. Data d'espublización: 2011. Llingua de la obra o nome: castellanu.
↑ URL de la referencia: https://transparencia.oviedo.es/normativa-e-informes/honores-y-distinciones-municipales/hijos-predilectos.

Enllaces esternos

[3691816da3dd9237d92adf1d2244202d49d3b2cb-1] Afirmao en: RKDartists. RKDartists ID: 79433. Data de consulta: 22 agostu 2017. Llingua de la obra o nome: neerlandés.

[62592fb8e673ac8091ff96d2dd03570f21ec47e1-2] Afirmao en: Diccionario biográfico español. Spanish Biographical Dictionary ID: 4949/joaquin-vaquero-palacios. Apaez como: Joaquín Vaquero Palacios. Data de consulta: 9 ochobre 2017. Autor: dellos autores. Editorial: Real Academia de la Historia. Data d'espublización: 2011. Llingua de la obra o nome: castellanu.

[144e4efeff34b73bfee48e2bf3adfb6c073a530d-3] URL de la referencia: https://transparencia.oviedo.es/normativa-e-informes/honores-y-distinciones-municipales/hijos-predilectos.

[1]

[2]

[3]