Muliphein

De Wikipedia
Saltar a navegación Saltar a la gueta
Muliphein
Muliphein
Constelación Canis Major
Ascensión reuta α 07h 03min 45,5s
Declinación δ -15º 38’ 00’’
Distancia 402 años lluz
Magnitú visual +4,11
Magnitú absoluta -1,34
Lluminosidá 685 soles
Temperatura 13.600 K
Masa 4,3 soles
Radiu 5 soles
Tipu espectral B8II
Velocidá radial +32 km/s

Muliphein o Muliphen (γ Canis Majoris / γ CMa / 23 Canis Majoris)[1] ye una estrella na constelación de Canis Major. Anque ostenta la denominación de Bayer Gamma —tercer lletra del alfabetu griegu qu'en principiu correspuende a la tercer estrella más brillosa—, ye superada en rellumu por unes dolce estrelles de la constelación. Piénsase que recibió la denominación Gamma por tar na mesma parte de la constelación que les brilloses Siriu (α Canis Majoris) y Murzim (β Canis Majoris). Alcuéntrase a 402 años lluz de distancia del Sistema Solar.

De color blancu-azuláu, Muliphein ye una xigante lluminosa de tipu espectral B8II que la so temperatura ye de 13.600 K. El so radiu ye unes 5 vegaes el radiu solar y la so lluminosidá ye equivalente a 685 soles. Con una masa de 4,3 mases solares, Muliphein remató la etapa de fusión de hidróxenu y empezó a evolucionar escontra una xigante colorada.[2]

Muliphein ye una estrella peculiar con una lenta velocidá de rotación —30 km/s— pa una estrella de tipu B. En concretu, ye una estrella de mercuriu-manganesu como Alpheratz (α Andromedae) o Gienah Gurab (γ Corvi), con proporciones bien altes de dalgunos metales que son emburriaos a la superficie por radiación. La so concentración en fierro y cromu ye un 40% mayor que nel Sol, pero ye sobremanera la bayura en mercuriu —2000 vegaes mayor que nel Sol— lo que la fai especialmente notable.[2]

Referencies[editar | editar la fonte]