Alpheratz

De Wikipedia
Saltar a: navegación, buscar
Alpheratz
Alpheratz
Alpheratz.gif
Constelación Andrómeda
Ascensión reuta α 00h 08min 23,26s
Declinación δ +29º 05’ 25.,6’’
Distancia 97 ± 2 años-lluz
Magnitú visual +2,02 a +2,06
Magnitú absoluta -0,30
Lluminosidá 200 soles (bolométrica)
Temperatura 13.000 K
Radiu 5 soles
Tipu espectral B8IVp(Hg-Mn)
Velocidá radial -11,7 km/s

Alpheratz (α Andromedae / α And / 21 Andromedae) ye la estrella más brillosa de la constelación d'Andrómeda con magnitú aparente +2,06. Asitiada al noroeste de la constelación de Pegasu, ye una estrella común a dambes constelaciones polo que dacuando ye llamada Delta Pegasi, anque ésta nun ye una denominación bien utilizada. Otru nome más común pa Alpheratz ye Sirrah o Sirah, proveniente del antiguu nome árabe Al Surrat al Faras, «l'embelicu del caballu».

Asitiada a 97 años lluz del Sistema Solar, Alpheratz ye una estrella binaria espectroscópica con un periodu orbital de 96,7 díes. La componente principal ye una estrella subxigante de tipu espectral B8IV con una temperatura superficial de 13.000 Kelvin, ente que la estrella secundaria tien un rellumu unes diez veces inferior a la primaria. La lluminosidá conxunta de dambes —incluyendo la radiación ultravioleta emitida— ye unes 200 vegaes mayor que la del nuesu Sol.

Alpheratz ye la representante más brillosa d'un grupu d'estrelles conocíes como estrelles de mercuriu-manganesu. Les atmósferes d'estes estrelles tienen bayures bien alzaes de mercuriu, galio, manganesu y europiu, y conteníos escepcionalmente baxos d'otros elementos. Piénsase qu'estes anomalíes son la resultancia de la separación de los distintos elementos de resultes, per una parte, de l'atracción gravitatoria escontra l'interior, y por otra, de la presión de radiación exercida escontra l'esterior. Coles mesmes, Alpheratz ta clasificada como una variable Alfa2 Canum Venaticorum, con una variación nel so rellumu ente magnitú 2,02 y 2,06 nun periodu de 23,19 hores. Dalgunes llinies espectrales varien con este mesmu periodu, otres cola metá del periodu y otres permanecen inalteraes.

Ver tamién[editar | editar la fonte]

Referencies[editar | editar la fonte]