Metallica

De Wikipedia
Metallica
Metallica wordmark 2008.svg
Metallica Live at The O2, London, England, 22 October 2017.jpg
Datos
Tipu grupu de heavy metal
Miembros Lars Ulrich, Kirk Hammett, Cliff Burton, Jason Newsted, Robert Trujillo, Dave Mustaine, James Hetfield y Ron McGovney
Xéneru Thrash metal, hard rock, heavy metal y speed metal (es) Traducir
Sellu dicográficu Warner Bros. Records
Megaforce Records
Elektra Records
Vertigo
Mercury Records
Universal Music Group
Virgin EMI Records
País Bandera de Estaos Xuníos d'América Estaos Xuníos
Orixinarios de Bandera de Los Angeles Los Angeles
Fecha fundación 28 ochobre 1981
Web oficial
Cambiar los datos en Wikidata

Metallica ye una banda de Heavy metal y Thrash metal norteamericanu orixinaria de Los Angeles, pero con base en San Francisco dende febreru de 1983.

Historia[editar | editar la fonte]

Metallica foi fundada en 1981 en Los Angeles pol batería danés Lars Ulrich y el guitarrista y cantante James Hetfield, a los que se-yos xuniríen Lloyd Grant y Ron McGovney. Estos dos músicos fueron dempués sustituyíos pol guitarrista Dave Mustaine y el baxista Cliff Burton, Mustaine foi despidíu un añu dempués d'ingresar na banda por cuenta de la so escesiva adicción al alcohol y la so actitú violenta, fundando'l so propiu proyeutu musical: Megadeth. Mustaine foi sustituyíu por Kirk Hammett, ex guitarrista d'Exodus. Per otra parte, en 1986, la muerte de Cliff Burton nun accidente d'autobús en Suecia provocó la entrada al grupu de Jason Newsted quien, tres el so abandonu quince años más tarde, sería sustituyíu pol baxista actual, Robert Trujillo.

A la fecha, la banda editó nueve discos d'estudiu. Les ventes totales de Metallica superen los 100 millones, y considérase-yos parte de los cuatro grandes del Thrash metal, xuntu con Megadeth, Slayer y Anthrax, de los cualos Metallica ye claramente'l más popular, superando inclusive l'ámbitu del Heavy metal en sí mesmu, y convirtiéndose nun artista de Rock "mainstream".

Amás, el grupu consiguió numberosos premios musicales, ente los que destaquen nueve "Grammys", dos premios daos pola cadena musical MTV, dos gallardones de l'Academia de Música Americana (American Music Awards) y un premiu de la revista Billboard, amás de tener una estrella nel "Paséu de la Fama" de la revista Kerrang!

Discografía[editar | editar la fonte]

  • Kill 'Em All (1983)
  • Ride the Lightning (1984)
  • Master of Puppets (1986)
  • ... And Justice for All (1988)
  • Metallica (1991)
  • Load (1996)
  • ReLoad (1997)
  • St. Anger (2003)
  • Death Magnetic (2008)
  • Hardwired... to Self-Destruct (2016)
  • 72 Seasons (2023)

Referencies[editar | editar la fonte]

Enllaces esternos[editar | editar la fonte]