Melospiza lincolnii

De Wikipedia
Saltar a: navegación, buscar
Melospiza lincolnii
Les especies d'aves con nome común en llingua asturiana márquense como COA. En casu contrariu, conséñase'l nome científicu o de la SEO.
Commons-emblem-notice.svg
 
Gorrión de Lincoln
Melospiza lincolnii 30075.JPG
Nel Estáu de Washington (Estaos Xuníos)
Estáu de caltenimientu
Preocupación menor (LC)
Esmolición menor (IUCN)
Clasificación científica
Reinu: Animalia
Filu: Chordata
Clas: Aves
Orde: Passeriformes
Familia: Emberizidae
Xéneru: Melospiza
Especie: M. lincolnii
(Audubon, 1834)
[editar datos en Wikidata]

El gorrión de Lincoln[1] (Melospiza lincolnii) ye una especie d'ave de la familia de los emberízidos. Añera en Alaska, Canadá y Estaos Xuníos, y pel hibiernu migra al sur, llegando hasta América Central.

Esti gorrión d'ente 13 y 15 cm de llargor ye bien similar a la so especie hermana Melospiza melodia. Tien les partes dorsales color pardu oliváceo, con rayes escures. Les partes ventrales son gris claro, con un llurdiu cremosu nel pechu. El pechu presenta amás delgaes rayes, que nun se xunen nun llurdiu central como en M. melodia. La cabeza ye gris clara con mexelles pardes, y una corona acoloratada estremada en dos partes por una raya gris clara.

El so hábitat pel branu son árees de vexetación rellacionada a cuerpos d'agua (montes de galería, turberes y banzaos), y distribúyese en Alaska, gran parte de Canadá (de mariña a mariña) y l'oeste y nordés de Estaos Xuníos. Pel hibiernu migren al sur, escontra'l suroeste d'Estaos Xuníos, la mayor parte de Méxicu (quitando la Península de Yucatán, onde ye raru), el norte de América Central y les Antilles. Pel hibiernu distribúyese por una amplia cantidá de rexones, tantu nes grebes como nes templaes y nes tropicales, siempres prefiriendo árees de vexetación arbustiva trupa.

La so dieta consiste principalmente en granes y insectos, y busca alimentu nel suelu ente los parrotales, despintándose. El cantar del machu ye un gorgoreo duce. El nial ye una taza bien definida que se constrúi nel suelu ocultu ente la vexetación trupa.

La especie foi nomada por John James Audubon mientres un viaxe a Nueva Escocia en 1834, n'honor al so amigu Thomas Lincoln, de Dennysville, Maine.

Notes[editar | editar la fonte]

  1. Sada, Phillips y Ramos, 1984

Referencies[editar | editar la fonte]

Enllaces esternos[editar | editar la fonte]