Mehmed IV

De Wikipedia
Saltar a: navegación, buscar
Mehmed IV
4. Mehmet.jpg
sultan of the Ottoman Empire

12 agostu 1648 - 8 payares 1687
Ibrahim I - Suleiman II
Vida
Nacimientu Estambul y Constantinopla2 de xineru de 1642
Nacionalidá Imperiu Otomanu
Fallecimientu

Edirne6 de xineru de 1693

(51 años)
Familia
Padre Ibrahim I
Madre Turhan Hatice
Casáu con Emetullah Rabia Gülnûş Sultan
Siyavuş Sultan
Fíos/es
Hermanos/es
Tribu Dinastía Osmanlí
Oficiu
Oficiu sultán y gobernante
Creencies
Relixón Islam
Tughra of Mehmed IV.JPG
Cambiar los datos en Wikidata

Mehmed IV, Mehmet o Mohamed —moteyáu colos nomatos turcos de Dördüncü, «cuartu», y Avcı, «cazador»— (2 de xineru de 16421693) rixó como sultán del Imperiu otomanu dende 1648 hasta 1687. Yera'l fíu d'Ibrahim I y una de les sos concubines, Turhan Hadice, que por esta causa convirtióse en Valide Sultán. Bien pocu tiempu dempués de la so nacencia, el so padre y madre tuvieron una reña violenta, ya Ibrahim enfurecióse tanto qu'arrincó a Mehmed de los brazos de la so madre y arrebexó al neñu a un pozu. Por suerte pa él, a Mehmed rescatáronlu aína ensin sufrir dañu nengún.

Conocíu como Avcı, «El cazador», l'exerciciu al campu y les práctiques cinexétiques ocuparon la mayor parte del so tiempu. El so reináu ye significativu por cuenta de un curtiu florecimientu del poder otomanu, dirixíu en mayor midida pol firme ya inflexible Gran Visir, Mehmed Köprülü. Köprülü repunxo les islles Exees, que taben en manes de Venecia, y combatió en triunfantes campañes militares frente a Transilvania (1664) y Polonia (1670–1674). En ciertu momentu, los dominios otomanos tuvieron mui cerca d'algamar una ampliación escontra Podolia y Ucraína.

El nuevu visir Kara Mustafá foi menos capaz. Sofitando la insurrección húngara d'Imre Thököly (1683) escontra'l dominiu austriacu, Kara Mustafá coló con un poderosu exércitu al traviés d'Hungría y sitió Viena na Batalla de Viena. Nes elevaciones de Kahlenberg, los otomanos perdieron de mou aplastante escontra l'exércitu Imperial Austriacu (sol mandu de Carlos IV, Duque de Lorena) y los polacos con ánimu de vengación, dirixíos pol so Rei, Juan III Sobieski. Kara Mustafá foi esgañáu en Belgráu por orde de Mehmed IV y la so tiesta allugóse nuna columna nel esterior del antiguu palaciu imperial n'Edirne, magar qu'esto nun foi abondo pa salvar el tronu del Sultán, que foi depuestu y encarceláu n'Edirne, cerca de los sos cotos de caza favoritos, pasando ellí'l restu de la so vida al pie de dos concubines.


Predecesor:
Ibrahim I
Sultán otomanu
1648 - 1687
Socesor:
Suleiman II